ഓണത്തിന് സെക്രട്ടേറിയറ്റ് അലങ്കരിക്കാൻ പതിനാലര ലക്ഷം രൂപ

ഓണാഘോഷത്തിനായി സെക്രട്ടേറിയേറ്റും പരിസരങ്ങളും ഒരുക്കാൻ ഇത്തവണ ചെലവ് 14.50 ലക്ഷം രൂപ. കെട്ടിടവും മുന്നിലെ പൂന്തോട്ടവും ലൈറ്റുകൾ കൊണ്ട് അലങ്കരിക്കാനാണ് ഈ തുക. കഴിഞ്ഞ തവണ 10 ലക്ഷമായിരുന്നു.

ഓഗസ്റ്റ് 27 മുതല്‍ സെപ്റ്റംബര്‍ 2 വരെയാണ് തലസ്ഥാനത്ത് ഓണം വാരാഘോഷം നടക്കുന്നത്. ഈ ദിവസങ്ങളിലാണ് സാധാരണ നിലയിൽ സെക്രട്ടറിയേറ്റും പരിസരങ്ങളും ദീപാലംകൃതമാക്കുന്നത്. ഇതിന്റെ ഉത്തരവാദിത്വം പൊതുമരാമത്ത് വകുപ്പ് ഇലക്ട്രിക്കൽ സബ് ഡിവിഷനാണ്. പൊതു ഭരണ വകുപ്പാണ് തുക അനുവദിച്ച് ഉത്തരവിറക്കിയത്.