ഇ.ഡിക്ക് മുന്നിൽ ഹാജരാകാതെ എ.സി.മൊയ്തീൻ, കരുവന്നൂർ ബാങ്ക് തട്ടിപ്പിൽ ചോദ്യം ചെയ്യലിന് എത്താത്തത് പാർട്ടി നിർദ്ദേശത്തെ തുടർന്നെന്ന് വിശദീകരണം

ഇരിഞ്ഞാലക്കുട: കരുവന്നൂർ ബാങ്ക് തട്ടിപ്പുമായി ബന്ധപ്പെട്ട കേസിൽ എൻഫോഴ്സ്മെൻ്റ് ഡയറക്ടറേറ്റിന് (ഇ.ഡി) മുന്നിൽ ഹാജരാകാതെ എ.സി.മൊയ്തീൻ. പുതുപ്പള്ളി ഉപതെരഞ്ഞെടുപ്പിന്റെ പശ്ചാത്തലത്തിൽ ഹാജരാകേണ്ടതില്ലെന്ന പാർട്ടി നിർദേശത്തെ തുടർന്നാണ് നീക്കം.

നേരത്തേ ആഗസ്റ്റ് 31ന് ഹാജരാകാൻ ഇ.ഡി നോട്ടീസ് നൽകിയെങ്കിലും ഹാജരാകുന്നതിൽ അസൗകര്യം അറിയിക്കുകയായിരുന്നു. തുടർച്ചയായ ബാങ്ക് അവധികൾ കാരണം ഇ.ഡി ആവശ്യപ്പെട്ട രേഖകൾ ശേഖരിക്കാൻ കഴിഞ്ഞിട്ടില്ല അതുകൊണ്ടു സാവകാശം വേണമെന്നായിരുന്നു മൊയ്തീൻ വിശദീകരണം നൽകിയത്. തുടർന്നാണ് തിങ്കളാഴ്ച ഹാജരാകാൻ നിർദേശിച്ചത്. അതേസമയം മൊയ്തീനെ രക്ഷപ്പെടുത്താൻ സിപിഎം ശ്രമം നടത്തുന്നതായി പ്രതിപക്ഷം ആരോപിച്ചു.

2021 ജൂ​ലൈ​യി​ലാ​ണ് സിപിഎം ഭരണത്തിലുള്ള ക​രു​വ​ന്നൂ​ർ ബാങ്കിലെ തട്ടിപ്പു പു​റ​ത്ത് വ​രു​ന്ന​ത്. 125 കോ​ടി​യു​ടെ ത​ട്ടി​പ്പ് ന​ട​ന്നെ​ന്നാ​ണ് സ​ഹ​ക​ര​ണ വ​കു​പ്പി​ന്റെ ക​ണ്ടെ​ത്ത​ൽ. ഭ​ര​ണ​സ​മി​തി​യം​ഗ​ങ്ങ​ളും ജീ​വ​ന​ക്കാ​രു​മ​ട​ക്കം 18 പേ​രാ​ണ് കേ​സി​ലെ പ്ര​തി​ക​ൾ. ക​ള്ള​പ്പ​ണം വെളിപ്പിക്കൽ, അ​ന​ധി​കൃ​ത സ്വ​ത്ത് സ​മ്പാ​ദ​നം അ​ട​ക്ക​മു​ള്ള പ​രാ​തി​ക​ളാ​ണ് കാ​ല​ത്ത് സിപിഎം ജി​ല്ല സെ​ക്ര​ട്ട​റി​യാ​യി​രു​ന്ന മൊ​യ്തീനെതിരെയുള്ളത്.

2011-12 മു​ത​ൽ ത​ട്ടി​പ്പ് ന​ട​ന്നെ​ന്നാ​ണ് പ​രാ​തി. വ്യാ​ജ​രേ​ഖ​ക​ൾ ച​മ​ച്ചും ക്ര​മ​ര​ഹി​ത​മാ​യി വാ​യ്പ​യ​നു​വ​ദി​ച്ചും വി​വി​ധ ത​ല​ങ്ങ​ളി​ലാ​യി​ ത​ട്ടി​പ്പ് ന​ട​ന്ന​തായാണ് ക​ണ്ടെ​ത്തി​യ​ത്. സി​പിഎം മു​ൻ പ്ര​വ​ർ​ത്ത​ക​നും ബാ​ങ്ക് ജീ​വ​ന​ക്കാ​ര​നു​മാ​യ എം.വി.സുരേ​ഷാ​ണ് പ​രാ​തി ന​ൽ​കി​യ​ത്.

ബിനാമികൾക്ക് ലോൺ അനുവദിക്കാൻ നിർദേശിച്ചത് മൊയ്തീൻ ആണെന്നാണ് ഇ.ഡിയുടെ കണ്ടെത്തൽ. കോ​ടി​കളുടെ തട്ടിപ്പ് നടന്ന കേസിൽ എ.സി.മൊയ്തീൻ്റെ വീട്ടിൽ അടക്കം നടത്തിയ റെയ്ഡുകളിൽ 15 കോടിയുടെ സ്വത്തുക്കൾ എൻഫോഴ്സ്മെൻ്റ് കണ്ടുകെട്ടിയിരുന്നു. മൊയ്തീന്റെയും ഭാര്യയുടെയും 28 ലക്ഷത്തിൻ്റെ ബാങ്ക് നിക്ഷേപം മരവിപ്പിച്ചു.