യുവ നടിയുടെ പരാതി; ജ​യ​സൂ​ര്യ​ക്കെ​തി​രെ ലൈംഗികാതിക്രമത്തിന് കേസ്

ലൈം​ഗി​കാ​തി​ക്ര​മം കാ​ട്ടി​യെ​ന്ന യുവനടിയുടെ പരാതിയില്‍ ന​ട​ൻ ജ​യ​സൂ​ര്യ​ക്കെ​തി​രെ പോ​ലീ​സ് കേ​സ്. തി​രു​വ​ന​ന്ത​പു​രം ക​ന്‍റോ​ൺ​മെ​ന്‍റ് പോ​ലീ​സാണ് ജാ​മ്യ​മി​ല്ലാ വ​കു​പ്പു​ക​ൾ പ്ര​കാ​രം കേസ് എടുത്തത്. ഐ​പി​സി 354, 354 A, 509 എ​ന്നീ വ​കു​പ്പു​ക​ൾ ചു​മ​ത്തി​യിട്ടുണ്ട്.  സെക്രട്ടേറിയറ്റിലെ ഇടനാഴിയില്‍ വച്ച് ലൈംഗികമായി ആക്രമിച്ചെന്നാണ് എഫ്ഐആർ.

കൊ​ച്ചി സ്വ​ദേ​ശി​യാ​യ ന​ടി​യു​ടെ ഏ​ഴ് പ​രാ​തി​ക​ളി​ൽ ര​ജി​സ്റ്റ​ർ ചെ​യ്യു​ന്ന ആ​ദ്യ​ത്തെ കേ​സാ​ണ് ഇ​ത്. ന​ടി​യു​ടെ മൊ​ഴി പ്ര​ത്യേ​ക അ​ന്വേ​ഷ​ണ​സം​ഘം രേ​ഖ​പ്പെ​ടു​ത്തി​യി​രു​ന്നു. ന​ടി​യു​ടെ ആ​ലു​വ​യി​ലെ വീ​ട്ടി​ലെ​ത്തി​യാ​ണ് മൊഴി എടുത്തത്. ഇ​തി​ന് പി​ന്നാ​ലെ​യാ​ണ് ജ​യ​സൂ​ര്യ​ക്കെ​തി​രെ കേ​സെ​ടു​ത്ത​ത്.

വര്‍ഷങ്ങള്‍ക്കുമുന്‍പ് ചിത്രീകരണത്തിനിടെ  സെക്രട്ടേറിയറ്റിലെ ഇടനാഴിയില്‍വെച്ച് നടന്‍ കടന്നുപിടിച്ച് ചുംബിച്ചെന്ന് കഴിഞ്ഞദിവസം നടി മാധ്യമങ്ങള്‍ക്കുമുന്നില്‍ വെളിപ്പെടുത്തിയിരുന്നു. ജയസൂര്യ അടക്കം സിനിമാ മേഖലയിലെ ഏഴുപേര്‍ക്ക് എതിരെയാണ് നടി പരാതി നല്‍കിയിരിക്കുന്നത്.