ദിവ്യയെ ‘ഒളിപ്പിച്ച്’ പോലീസ്; ഹാജരാക്കുന്നത് തളിപ്പറമ്പ് കോടതിയില്‍
എഡിഎം നവീന്‍ ബാബുവിന്റെ മരണത്തില്‍ കീഴടങ്ങിയ കണ്ണൂര്‍ മുന്‍ ജില്ലാ പഞ്ചായത്ത് പ്രസിഡന്റ് പി.പി.ദിവ്യയെ ക്രൈംബ്രാഞ്ച് ഓഫീസിനു പുറത്ത് എത്തിച്ചു. വൈദ്യ പരിശോധനയ്ക്ക് വേണ്ടി ആണ് ദിവ്യയെ പോലീസ് പുറത്ത് എത്തിച്ചത്.
വന്‍ പ്രതിഷേധമാണ് ക്രൈംബ്രാഞ്ച് ഓഫീസിനു മുന്നില്‍ ദിവ്യക്ക് നേരിടേണ്ടി വന്നത്. പ്രതിപക്ഷത്തിന്റെ യുവജന സംഘടനകളാണ് പ്രതിഷേധവുമായി പുറത്ത് സംഘടിച്ചത്. ക്രൈംബ്രാഞ്ച് ഓഫീസിനു മുന്നില്‍ ദിവ്യക്ക് നേരെ കരിങ്കൊടി പ്രതിഷേധം നടന്നു. ക്രൈംബ്രാഞ്ച് ഓഫീസിന്റെ പിന്‍വാതില്‍ വഴിയാണ് ആശുപത്രിയിലേക്ക് എത്തിച്ചത്.
പോലീസിനു മുന്നില്‍ കീഴടങ്ങിയ ദിവ്യയെ കണ്ണൂര്‍ ടൗൺ പോലീസ് സ്റ്റേഷനില്‍ എത്തിക്കും എന്ന് പറഞ്ഞ് സജ്ജീകരണങ്ങള്‍ ഒരുക്കിയശേഷം എത്തിച്ചത് ക്രൈംബ്രാഞ്ച് ഓഫീസിലാണ്. മാധ്യമങ്ങളുടെ കണ്ണ് വെട്ടിക്കാനാണ് ഇങ്ങനെ ചെയ്തത്. കണ്ണൂര്‍ ജില്ലാ ആശുപത്രിയിലാണ് വൈദ്യപരിശോധനയ്ക്ക് എത്തിച്ചത്.
ദിവ്യക്ക് വേണ്ടി ഇന്ന് ജാമ്യഹര്‍ജി നല്‍കില്ല. തളിപ്പറമ്പ് കോടതിയിലാണ് ഹാജരാക്കുന്നത്. നാളെ തലശ്ശേരി സെഷന്‍സ് കോടതിയില്‍ ജാമ്യഹര്‍ജി നല്‍കാനാണ് നീക്കം.
കേരളം ചർച്ച ചെയ്യാനിരിക്കുന്ന വലിയ വാർത്തകൾ ആദ്യം അറിയാൻ മാധ്യമ സിൻഡിക്കറ്റ് വാട്സ്ആപ്പ് ഗ്രൂപ്പിൽ ജോയിൻ ചെയ്യാം
Click here
