എയർ ഇന്ത്യ എക്സ്പ്രസ് ആഭ്യന്തര സർവീസുകൾ ശംഖുമുഖത്തേക്ക് മാറ്റുന്നു; ജനുവരി 5 മുതല്‍ നടപ്പിലാകും

തിരുവനന്തപുരം: എയർ ഇന്ത്യ എക്സ്പ്രസ് ആഭ്യന്തര സർവീസുകൾ ശംഖുമുഖത്തെ ആഭ്യന്തര ടെർമിനലിലേക്ക് മാറ്റുന്നു. ജനുവരി 5 മുതൽ പ്രാബല്യത്തില്‍ വരും. ചാക്കയിലെ അന്താരാഷ്ട്ര ടെർമിനലിൽ നിന്നുള്ള ബംഗളൂരു, ചെന്നൈ, കണ്ണൂർ സർവീസുകളാണ് ശംഖുമുഖത്തേക്ക് മാറുന്നത്.

സർവീസുകൾ പുറപ്പെടുന്നതും എത്തിച്ചേരുന്നതും ഈ ടെര്‍മിനലില്‍ നിന്നായിരിക്കും.സർവീസുകളുടെ സമയത്തിൽ മാറ്റമില്ല.

മറ്റ് എയർലൈനുകളുടെ സർവീസുകൾ നിലവിൽ ഉള്ളതു പോലെ തുടരും. കൂടുതൽ വിവരങ്ങൾക്ക് ഈ ഫോൺ നമ്പറുകളില്‍ ബന്ധപ്പെടാം-8714601843, ‪87146 45030