അ​മ്മു​വി​ന്‍റെ മ​ര​ണ​ത്തിൽ ആരോപണവുമായി കു​ടും​ബം; മൂന്ന് കുട്ടികള്‍ മകളെ നിരന്തരമായി ശല്യപ്പെടുത്തി

പ​ത്ത​നം​തി​ട്ട​യി​ലെ ന​ഴ്സിം​ഗ് വിദ്യാര്‍ത്ഥി അ​മ്മു​വി​ന്‍റെ മ​ര​ണ​ത്തി​ന് പി​ന്നി​ൽ സ​ഹ​പാ​ഠികളില്‍ നിന്നുള്ള മാ​ന​സി​ക പീ​ഡ​നമാണെന്ന് കു​ടും​ബം. സ​ഹ​പാ​ഠി​ക​ളാ​യ മൂ​ന്ന് പേ​ർക്ക് എതിരെയാണ് കുടുംബം രംഗത്ത് വന്നത്. ഇവര്‍ നിരന്തരം അ​മ്മു​വി​നെ ശ​ല്ല്യ​പ്പെ​ടു​ത്തി​യി​ എന്നാണ് ആരോപണം.

ആ​ല​പ്പു​ഴ മെ​ഡി​ക്ക​ൽ കോ​ള​ജി​ൽ ഗൈ​ന​ക് പ്രാ​ക്ടി​സി​നു പോ​യ സ​മ​യ​ത്ത് കുട്ടികള്‍ തമ്മില്‍ വഴക്കിട്ടു. ഇവര്‍ പിന്നീട് മ​ക​ള്‍ക്ക് എതിരെ നിരന്തരം പ്രശ്നങ്ങള്‍ സൃഷ്ടിച്ചു.

ടൂ‌​ർ കോ​ർ​ഡി​നേ​റ്റ​ർ സ്ഥാ​ന​ത്ത് നി​ന്ന് മാ​റി​യി​ട്ടും ഭീ​ഷ​ണി​പ്പെടുത്തി. കാണാതായ ലോ​ഗ് ബു​ക്കി​നുവേണ്ടി കുട്ടിയുടെ ബാ​ഗ് പ​രി​ശോ​ധി​ച്ച​ത് മകളെ മാനസികമായി ഉലച്ചു. ശ​ല്യം സ​ഹി​ക്കാ​തെ ഹോ​സ്റ്റ​ലി​ലെ മ​റ്റൊ​രു മു​റി​യി​ലേ​ക്ക് മാ​റിയിട്ടും പ്രശ്നങ്ങള്‍ മാറിയില്ല. ഇതിനെ തുടര്‍ന്നാണ് മകള്‍ കെട്ടിടത്തില്‍ നിന്നും ചാടിയത് എന്ന് കുടുംബം ആരോപിക്കുന്നു. പ്ര​ശ്ന​ങ്ങ​ൾ തു​ട​ർ​ന്ന​തോ​ടെ കോ​ള​ജ് പ്രി​ൻ​സി​പ്പ​ലി​നും പ​രാ​തി ന​ൽ​കി​യി​രു​ന്ന​താ​യും കു​ടും​ബം പ​റ​ഞ്ഞു.

കഴിഞ്ഞ ദിവസമാണ് ഹോസ്റ്റല്‍ കെട്ടിടത്തില്‍ നിന്നും വീണ് അമ്മുവിന് പരുക്ക് പറ്റുന്നത്. പത്തനംതിട്ട ജനറൽ ആശുപത്രിയിൽ നിന്നും തിരുവനന്തപുരം മെഡിക്കൽ കോളേജ് ആശുപത്രിയിൽ എത്തിച്ചെങ്കിലും രക്ഷിക്കാന്‍ കഴിഞ്ഞില്ല. അമ്മുവിന്‍റെ മരണത്തില്‍ മുഖ്യമന്ത്രിക്ക് പരാതി നൽകാൻ ഒരുങ്ങുകയാണ് കുടുംബം.