മമതയും കിം കര്‍ദാഷിയാനും ഒരൊറ്റ ഫ്രെയിമില്‍; അംബാനിക്ക് മാത്രം കഴിയുന്ന കാര്യമെന്ന് സോഷ്യല്‍ മീഡിയ

അംബാനി കല്യാണം ചര്‍ച്ചയാകുമ്പോഴും ഫോട്ടോകള്‍ വൈറല്‍ ആകുമ്പോഴും ഒരു ഫ്രെയിം മാത്രം വേറിട്ട്‌ നില്‍ക്കുന്നു.പശ്ചിമ ബംഗാള്‍ മുഖ്യമന്ത്രിയും തൃണമൂല്‍ കോണ്‍ഗ്രസ് നേതാവുമായ മമതാ ബാനര്‍ജിക്കൊപ്പം കിം കര്‍ദാഷിയാന്‍ നില്‍ക്കുന്നതാണ് ആ ഫ്രെയിം.

അംബാനിക്ക് മാത്രം കഴിയുന്ന കാര്യം എന്നാണ് സോഷ്യല്‍ മീഡിയ വിശേഷിപ്പിക്കുന്നത്. സ്വപ്‌നത്തില്‍പോലും പരസ്പരം കണ്ടുമുട്ടാന്‍ സാധ്യതയില്ലാത്ത രണ്ടു പേരാണ് ഒരു ഫ്രെയിമില്‍ ഉള്‍പ്പെട്ടതെന്നാണ് കമന്റുകള്‍ ചൂണ്ടിക്കാട്ടുന്നത്. ആനന്ദിന്റേയും രാധികയുടേയും വിവാഹത്തിനിടെയുള്ള ചിത്രത്തിലാണ് കിമ്മും മമതയും ഒരുമിച്ച് വന്നത്. വിവാഹത്തിലെ താരങ്ങളായിരുന്നു കര്‍ദാഷിയാന്‍ സഹോദരിമാര്‍

കോടികള്‍ ചിലവഴിച്ചാണ് മുകേഷ് അംബാനി കിമ്മിനേയും ക്ലോയിയേയും വിവാഹവേദിയിലെത്തിച്ചത്. മനീഷ് മല്‍ഹോത്ര ഡിസൈന്‍ ചെയ്ത ചുവപ്പ് സാരിയായിരുന്നു കിമ്മിന്റെ ഔട്ട്ഫിറ്റ്. ഐവറി നിറത്തിലുള്ള സാരിയായിരുന്നു ക്ലോയി ധരിച്ചത്. വ്യാഴാഴ്ച്ച വൈകുന്നേരം മുംബൈയിലെത്തിയ ഇരുവരും വെള്ളിയാഴ്ച്ച നടന്ന വിവാഹത്തിലും ശനിയാഴ്ച്ച നടന്ന ശുഭ് ആശിര്‍വാദ് ചടങ്ങിലും പങ്കെടുത്ത ശേഷമാണ് യുഎസിലേക്ക് മടങ്ങിയത്.