സംവിധായികയുടെ കുപ്പായത്തില്‍ ആന്‍സരിഗാ ആന്റണി; സെക്കന്‍ഡ് ഷോ പ്രൊഡക്ഷന്‍സിന്റെ രണ്ടാം ചിത്രം, വിഷ്ണു വിനയ് നായകന്‍
സെക്കന്‍ഡ് ഷോ പ്രൊഡക്ഷന്‍സിന്റെ രണ്ടാം ചിത്രം സമന്‍സ് നിര്‍മാണം ആരംഭിക്കുന്നു. ചലച്ചിത്ര നിര്‍മാതാവ് ആന്‍സരിഗാ ആന്റണിയാണ് സമന്‍സ് സംവിധാനം ചെയ്യുന്നത്. ആന്‍സരിഗാ ആന്റണി നിര്‍മിക്കുന്ന അഭിലാഷം എന്ന ചിത്രത്തിന്റെ ലൊക്കേഷനില്‍ വച്ച് പ്രശസ്ത സംവിധായകന്‍ എം.പത്മകുമാറാണ് പുതിയ ചിത്രത്തിന്റെ പ്രഖ്യാപനം നടത്തിയത്.
സമയന്‍സ് എന്ന ചിത്രം നേരത്തേ നിശ്ചയിക്കപ്പെട്ടിരുന്നതാണെന്നും ചില സാങ്കേതികമായ കാരണങ്ങളാലാണ് നീണ്ടുപോയതെന്നും എം.പത്മകുമാര്‍ പറഞ്ഞു. പ്രശസ്ത സംവിധായകനായ വിനയന്റെ മകന്‍ വിഷ്ണു വിനയ് ആണ് സമന്‍സിലെ നായകന്‍. മറ്റു അഭിനനേതാക്കളുടെ പേരുകള്‍ പുറത്തു വിട്ടിട്ടില്ല.
സെക്കന്‍ഡ് ഷോ പ്രൊഡക്ഷന്‍സിന്റെ ബാനറില്‍ ശങ്കര്‍ ദാസ്, ആന്‍സരിഗാ ആന്റണി എന്നിവര്‍ നിര്‍മിക്കുന്ന ചിത്രമാണ് അഭിലാഷം. കോഴിക്കോട് മുക്കത്ത് ചിത്രത്തിന്റെ ഷൂട്ടിംഗ് പുരോഗമിക്കുകയാണ്. സൈജു കുറുപ്പ്, അര്‍ജുന്‍ അശോകന്‍, തന്‍വി റാം എന്നിവരാണ് കേന്ദ്രകഥാപാത്രങ്ങളെ അവതരിപ്പിക്കുന്നത്.
കേരളം ചർച്ച ചെയ്യാനിരിക്കുന്ന വലിയ വാർത്തകൾ ആദ്യം അറിയാൻ മാധ്യമ സിൻഡിക്കറ്റ് വാട്സ്ആപ്പ് ഗ്രൂപ്പിൽ ജോയിൻ ചെയ്യാം
Click here
