‘അന്വേഷിപ്പിൻ കണ്ടെത്തും’; ടൊവിനോ ചിത്രം ഫെബ്രുവരിയിൽ

ആരാധകർ ഏറെ പ്രതീക്ഷയോടെ കാത്തിരിക്കുന്ന ടൊവിനോ തോമസ് ചിത്രം ഫെബ്രുവരി ഒൻപതിന് പ്രദർശനത്തിനെത്തും. ഡാര്‍വിന്‍ കുര്യാക്കോസാണ് ആക്ഷന്‍ പശ്ചാത്തലമാക്കി ഒരുക്കുന്ന ഈ ഇന്‍വെസ്റ്റിഗേഷന്‍ ത്രില്ലറിൻ്റെ സംവിധാനം നിർവഹിച്ചിരിക്കുന്നത്. ഗൗതം ശങ്കറാണ് ഛായാഗ്രഹണം.

തീയറ്റര്‍ ഓഫ് ഡ്രീംസിന്റെ ബാനറില്‍ ഡോള്‍വിന്‍ കുര്യാക്കോസ്, ജിനു വി എബ്രാഹാം എന്നിവര്‍ക്കൊപ്പം സരിഗമയും ചേര്‍ന്നാണ് നിർമ്മാണം.. ജിനു വി എബ്രഹാമാണ് ചിത്രത്തിന് തിരക്കഥയും സംഭാഷണവും ഒരുക്കിയിരിക്കുന്നത്. സന്തോഷ് നാരായണനാണ് സംഗീത സംവിധായകന്‍.

ഇന്ദ്രന്‍സ്, സിദ്ദിഖ്, ഹരിശ്രീ അശോകന്‍, ഷമ്മി തിലകന്‍, പ്രേം പ്രകാശ്, പ്രമോദ് വെളിയനാട്, വിനീത് തട്ടില്‍, രാഹുല്‍ രാജഗോപാല്‍, കോട്ടയം നസീര്‍, മധുപാല്‍, അസീസ് നെടുമങ്ങാട്, വെട്ടുകിളി പ്രകാശന്‍, സാദിഖ്, ബാബുരാജ്, അര്‍ത്ഥന ബിനു, രമ്യ സുവി, ശരണ്യ പ്രധാന വേഷങ്ങൾ കൈകാര്യം ചെയ്യുന്നത്.