മണിപ്പൂരില്‍ ബിരേൻ സിങ്ങിന്റെ സ്വകാര്യ വസതിക്കു നേരെ ആക്രമണശ്രമം; വെടിയുതിര്‍ത്ത് തടഞ്ഞ് പൊലീസ്

ഇംഫാൽ: മണിപ്പൂര്‍ മുഖ്യമന്ത്രി എൻ.ബിരേൻ സിങ്ങിന്റെ സ്വകാര്യ വസതിക്കു നേരെ ആക്രമണശ്രമം. ആകാശത്തേക്കു വെടിയുതിർത്തു പൊലീസ് ആക്രമണകാരികളെ തടഞ്ഞു. ഹെയിൻഗാങിലെ ബിരേൻ സിങ്ങിന്റെ സ്വകാര്യ വസതിയ്ക്ക് നേരെയാണ് ആക്രമണ ശ്രമം നടന്നത്. ഈ വസതിയിലല്ല ഇംഫാലിലെ ഔദ്യോഗിക വസതിയിലാണ് ബിരേൻ സിങ് താമസിക്കുന്നത്.

ആക്രമണ ശ്രമം നടന്നപ്പോള്‍ വസതിയുടെ 150 മീറ്ററിന് അകലെ വച്ചു തന്നെ സുരക്ഷാ ഉദ്യോഗസ്ഥർ പ്രതിഷേധിക്കാരെ തടഞ്ഞു. സ്വകാര്യവസതിക്കു കാവലുണ്ടെങ്കിലും ഇവിടെ ആരും താമസിക്കുന്നില്ല.