ആശങ്ക അകന്നു; അട്ടപ്പാടിയില്‍ കാണാതായ വനംവകുപ്പ് വാച്ചറെ കണ്ടെത്തി

അട്ടപ്പാടിയില്‍ കാണാതായ വനംവകുപ്പ് വാച്ചറെ കണ്ടെത്തി. ഒമ്മല ഫോറസ്റ്റ് സ്റ്റേഷനിലെ മുരുകനെയാണ് കണ്ടെത്തിയത്. ശാരീരിക അസ്വസ്ഥതയെ തുടര്‍ന്ന് ഫോറസ്റ്റ് ക്യാമ്പിനു സമീപത്ത് തളര്‍ന്നിരിക്കുകയായിരുന്നു. ഇയാള്‍ക്കായി വനംവകുപ്പും പോലീസും പോലീസ് അന്വേഷണം ആരംഭിച്ചിരുന്നു.

വനത്തിലെ ചന്ദനമരങ്ങള്‍ നിരീക്ഷിക്കാനായി ഫോറസ്റ്റ് സംഘം കാട്ടിലേക്ക് പോയിരുന്നു. ഇതില്‍ മുരുകനും ഉള്‍പ്പെട്ടിരുന്നു. സംഘം ക്യാമ്പ് ഓഫീസില്‍ എത്തി വിശ്രമിച്ചിരുന്നു. ഇതിനിടയിലാണ് മുരുകനെ കാണാതായത്.

വനംവകുപ്പ് സംഘം നടത്തിയ തിരച്ചിലിലാണ് കണ്ടെത്തിയത്. വാച്ചറെ കണ്ടെത്തിയത് അഗളി പോലീസും സ്ഥിരീകരിച്ചിട്ടുണ്ട്. ഇയാളെ കണ്ടെത്തി എന്ന വിവരം വനംവകുപ്പ് കൈമാറിയിട്ടുണ്ട് എന്നാണ് അഗളി പോലീസ് പറഞ്ഞത്.