കര്‍ണാടക മുന്‍മന്ത്രി അറസ്റ്റില്‍; ഇഡി നടപടി 187 കോ​ടിയുടെ അ​ഴി​മ​തിയില്‍

ക​ർ​ണാ​ട​ക മു​ൻ മ​ന്ത്രി​യും കോ​ൺ​ഗ്ര​സ് എം​എ​ൽ​എ​യു​മാ​യ ബി.നാ​ഗേ​ന്ദ്ര​ അ​റ​സ്റ്റിലായി. വാ​ത്മീ​കി വി​ക​സ​ന കോ​ർ​പ​റേ​ഷ​ൻ അ​ഴി​മ​തി​ക്കേ​സി​ലാ​ണ് ഇ​ഡി അ​റ​സ്റ്റ്. 187 കോ​ടി രൂ​പ​യു​ടെ അ​ഴി​മ​തി ന​ട​ത്തി​യെ​ന്ന​താ​ണ് നാ​ഗേ​ന്ദ്ര​യ്ക്കെ​തി​രെ​യു​ള്ള കേ​സ്.

ഇന്നലെ രാ​വി​ലെ ഇ​ഡി വീ​ട്ടി​ൽ​നി​ന്ന് ക​സ്റ്റ​ഡി​യി​ലെ​ടു​ത്തി​രു​ന്നു. തു​ട​ർ​ന്ന് 13 മ​ണി​ക്കൂ​ര്‍ നീ​ണ്ട ചോ​ദ്യം ചെ​യ്യ​ലി​ന് ഒ​ടു​വി​ലാ​ണ് അ​റ​സ്റ്റ്. മന്ത്രിക്കെതിരെ കുറിപ്പ് എഴുതിവച്ച് വാ​ത്മീ​കി വി​ക​സ​ന കോ​ർ​പ​റേ​ഷ​ൻ ചീ​ഫ് അ​ക്കൗ​ണ്ടന്റ് പി.​ച​ന്ദ്ര​ശേ​ഖ​ര​ൻ ആത്മഹത്യ ചെയ്ത വിവാദ അഴിമതിക്കേസ് ആണിത്.

നേ​ര​ത്തെ നാ​ഗേ​ന്ദ്ര​യു​ടെ​യും മ​റ്റൊ​രു എം​എ​ൽ​എ​യു​ടെ​യും വീ​ടുക​ളി​ൽ ഇ​ഡി റെ​യ്ഡ് ന​ട​ത്തി​യി​രു​ന്നു. അ​ന​ധി​കൃ​ത​മാ​യി തെ​ല​ങ്കാ​ന, മ​ഹാ​രാ​ഷ്ട്ര അ​ട​ക്ക​മു​ള്ള സം​സ്ഥാ​ന​ങ്ങ​ളി​ലെ പ​ല അ​ക്കൗ​ണ്ടു​ക​ളി​ലേ​ക്ക് കോ​ർപ​റേ​ഷ​നി​ൽ​നി​ന്ന് പ​ണം ക​ട​ത്തി​യെ​ന്നാണ് കേസ്. മ​ന്ത്രി​യാ​യി​രു​ന്ന നാ​ഗേ​ന്ദ്ര നേ​രി​ട്ട് നി​ർ​ദേ​ശി​ച്ച പ്ര​കാ​ര​മാ​ണ് പ​ണം തി​രി​മ​റി ന​ട​ത്തി​യ​തെ​ന്നും കേ​സ് വ​രു​മെ​ന്നാ​യ​പ്പോ​ൾ മ​ന്ത്രി​യ​ട​ക്കം ചേ​ർ​ന്ന് ത​ന്നെ ബ​ലി​യാ​ടാ​ക്കി​യെ​ന്നുമാണ് ആത്മഹത്യാകുറിപ്പില്‍ ച​ന്ദ്ര​ശേ​ഖ​രന്‍ ആരോപിച്ചത്.