ബേസിലും സൗബിനും ഒന്നിക്കുന്ന ‘പ്രാവിന്‍കൂട് ഷാപ്പ്’; ചിത്രീകരണം തൃശൂരിൽ തുടങ്ങി; നിർമാണം അൻവർ റഷീദ്
ബേസില്‍ ജോസഫ്, സൗബിന്‍ ഷാഹിര്‍ എന്നിവരെ കേന്ദ്ര കഥാപാത്രങ്ങളാക്കി ശ്രീരാജ് ശ്രീനിവാസന്‍ സംവിധാനം ചെയ്യുന്ന ചിത്രത്തിന് ‘പ്രാവിന്‍കൂട് ഷാപ്പ്’ എന്ന് പേരിട്ടു. സിനിമയുടെ ചിത്രീകരണം ആരംഭിച്ചു. തൃശൂരും എറണാകുളവുമാണ് പ്രധാന ലൊക്കേഷനുകള്‍.
സൗബിനും ബേസിലിനും പുറമെ ചെമ്പന്‍ വിനോദ് ജോസും സിനിമയില്‍ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ഡാര്‍ക്ക് ഹ്യൂമര്‍ ഡ്രാമ ഴോണറില്‍ ഒരുങ്ങുന്ന ചിത്രം ഈ വര്‍ഷം തന്നെ റിലീസിനെത്തുമെന്നാണ് പ്രതീക്ഷിക്കുന്നത്.
ചാന്ദിനി ശ്രീധരന്‍, ശബരീഷ് വര്‍മ, നിയാസ് ബക്കര്‍, രേവതി, വിജോ അമരാവതി, രാംകുമാര്‍, സന്ദീപ്, ശിവജിത്ത് പത്മനാഭന്‍, പ്രതാപന്‍ കെ.എസ് എന്നിവരാണ് മറ്റ് പ്രധാന വേഷങ്ങളില്‍ എത്തുന്നത്.
മഞ്ഞുമ്മല്‍ ബോയ്‌സ് എന്ന സൂപ്പര്‍ഹിറ്റ് ചിത്രത്തിന് ശേഷം ഷൈജു ഖാലിദ് ഛായാഗ്രഹണം നിര്‍വഹിക്കുന്ന സിനിമ കൂടിയാണ് ‘പ്രാവിന്‍കൂട് ഷാപ്പ്’. അന്‍വര്‍ റഷീദ് ആണ് ചിത്രം നിര്‍മിക്കുന്നത്.
കേരളം ചർച്ച ചെയ്യാനിരിക്കുന്ന വലിയ വാർത്തകൾ ആദ്യം അറിയാൻ മാധ്യമ സിൻഡിക്കറ്റ് വാട്സ്ആപ്പ് ഗ്രൂപ്പിൽ ജോയിൻ ചെയ്യാം
Click here
