സഞ്ജു സാംസണെ തഴഞ്ഞു; ദുലീപ് ട്രോഫിക്കുള്ള ടീമുകളെ പ്രഖ്യാപിച്ചു
ദുലീപ് ട്രോഫി ക്രിക്കറ്റിനുള്ള ടീമുകളെ ബിസിസിഐ പ്രഖ്യാപിച്ചു. എ,ബി,സി,ഡി എന്നിങ്ങനെ നാല് ടീമുകളെയാണ് പ്രഖ്യാപിച്ചത്. ഈ നാല് ടീമിലും മലയാളി താരം സഞ്ജു സാംസണെ ഉള്‍പ്പെടുത്തിയിട്ടില്ല. സ്പിന്നര്‍ ആര്‍. അശ്വിനെയും പേസര്‍ മുഹമ്മദ് ഷമിയെയും പരിഗണിച്ചിട്ടില്ല. സെപ്റ്റംബർ അഞ്ച് മുതൽ ആന്ധ്രയിലെ അനന്തപൂരിലും ബംഗളൂരുവിലെ ചിന്നസ്വാമി സ്റ്റേഡിയത്തിലുമായാണ് മത്സരങ്ങള്‍ നടക്കുന്നത്. ദുലീപ് ട്രോഫിയോടെയാണ് ഇന്ത്യയിലെ ആഭ്യന്തര സീസണ് തുടക്കമാകുന്നത്‌.
അടുത്ത മാസം ബംഗ്ലാദേശിനെതിരെ നടക്കുന്ന ടെസ്റ്റ് പരമ്പരക്കുള്ള ടീമിനെ ദുലീപ് ട്രോഫി ടീമുകളില്‍ നിന്നാവും തെരഞ്ഞെടുക്കുകയെന്ന് സെലക്ടര്‍മാര്‍ നേരത്തെ വ്യക്തമാക്കിയിരുന്നു. എ ടീമിനെ ശുഭ്മൻ ഗില്ലും ബി ടീമിനെ അഭിമന്യൂ ഈശ്വരനും സി ടീമിനെ ഋതുരാജ് ഗെയ്ക്ക്‌വാദും ഡി ടീമിനെ ശ്രേയസ് അയ്യരും നയിക്കും.
ടീം എ: ശുഭ്മാൻ ഗിൽ (ക്യാപ്റ്റൻ), മായങ്ക് അഗർവാൾ, റിയാൻ പരാഗ്, ധ്രുവ് ജുറെൽ, കെ.എൽ. രാഹുൽ, തിലക് വർമ, ശിവം ദുബെ, തനുഷ് കൊടിയാൻ, കുൽദീപ് യാദവ്, ആകാശ് ദീപ്, പ്രസിദ്ദ് കൃഷ്ണ, ഖലീൽ അഹമ്മദ്, ആവേശ് ഖാൻ, വിദ്വത് കവേരപ്പ, കുമാർ കുശാഗ്ര , ശാശ്വത് റാവത്ത്.
ടീം ബി: അഭിമന്യു ഈശ്വരൻ (ക്യാപ്റ്റൻ), യശസ്വി ജയ്സ്വാൾ, സർഫറാസ് ഖാൻ, റിഷഭ് പന്ത്, മുഷീർ ഖാൻ, നിതീഷ് കുമാർ റെഡ്ഡി, വാഷിംഗ്ടൺ സുന്ദർ, രവീന്ദ്ര ജഡേജ, മുഹമ്മദ് സിറാജ്, യാഷ് ദയാൽ, മുകേഷ് കുമാർ, രാഹുൽ ചാഹർ, ആർ. സായ് കിഷോർ, മോഹിത് അവസ്തി , എൻ. ജഗദീശൻ.
ടീം സി: ഋതുരാജ് ഗെയ്‌ക്‌വാദ് (ക്യാപ്റ്റൻ), സായ് സുദർശൻ, രജത് പാടീദാർ, അഭിഷേക് പോറെൽ, സൂര്യകുമാർ യാദവ്, ബി. ഇന്ദ്രജിത്ത്, ഹൃത്വിക് ഷോക്കീൻ, മാനവ് സുത്താർ, ഉമ്രാൻ മാലിക്, വൈശാഖ് വിജയകുമാർ, അൻഷുൽ ഖംബോജ്, ഹിമാൻഷു ചൗഹാൻ, മായങ്ക് മർകണ്ഡെ, സന്ദീപ് വാര്യർ.
ടീം ഡി: ശ്രേയസ് അയ്യർ (ക്യാപ്റ്റൻ), അഥർവ ടൈഡെ, യാഷ് ദുബെ, ദേവദത്ത് പടിക്കൽ, ഇഷാൻ കിഷൻ, റിക്കി ഭുയി, സാരൻഷ് ജെയിൻ, അക്ഷർ പട്ടേൽ, അർഷ്ദീപ് സിംഗ്, ആദിത്യ താക്കറെ, ഹർഷിത് റാണ, തുഷാർ ദേശ് പാണ്ഡെ, ആകാശ് സെൻഗുപ്ത, കെ.എസ്.ഭരത്, സൗരഭ് കുമാർ.
കേരളം ചർച്ച ചെയ്യാനിരിക്കുന്ന വലിയ വാർത്തകൾ ആദ്യം അറിയാൻ മാധ്യമ സിൻഡിക്കറ്റ് വാട്സ്ആപ്പ് ഗ്രൂപ്പിൽ ജോയിൻ ചെയ്യാം
Click here
