സുരേന്ദ്രന്റെ പദയാത്രയ്ക്ക് തുടക്കം; ഉദ്ഘാടനം ചെയ്തത് ഗോവ മുഖ്യമന്ത്രി; പുതിയ കേരളം സൃഷ്ടിക്കുമെന്ന് പ്രഖ്യാപനം

കാസര്‍ഗോഡ്: ലോക്‌സഭാ തിരഞ്ഞെടുപ്പിന് മുന്നോടിയായി ബിജെപി സംസ്ഥാന പ്രസിഡന്റ് കെ.സുരേന്ദ്രന്‍ നയിക്കുന്ന പദയാത്രയ്ക്ക് തുടക്കം. ഗോവ മുഖ്യമന്ത്രി പ്രമോദ് സാവന്ത് യാത്ര ഉദ്ഘാടനം ചെയ്തു. വിവിധ ഘട്ടങ്ങളിലായി 20 ലോക്‌സഭാ മണ്ഡലങ്ങളിലും പദയാത്ര നടത്താനാണ് തീരുമാനം. ഇടതു-വലത് മുന്നണികള്‍ തകര്‍ത്ത കേരളത്തെ രക്ഷിക്കാന്‍ നരേന്ദ്രമോദിക്ക് മാത്രമേ സാധിക്കുകയുള്ളൂവെന്ന് സുരേന്ദ്രന്‍ പറഞ്ഞു. പുതിയ കേരളം സൃഷ്ടിക്കുകയാണ് പദയാത്രയുടെ ലക്ഷ്യം. . അഴിമതിമുഖമുദ്രയാക്കിയ സര്‍ക്കാരാണ് കേരളം ഭരിക്കുന്നത്. അഴിമതിയുടെ കാര്യത്തില്‍ ഭരണപക്ഷവും പ്രതിപക്ഷവും മത്സരിക്കുകയാണെന്നും കെ.സുരേന്ദ്രന്‍ കുറ്റപ്പെടുത്തി.

കെപിസിസി എക്‌സിക്യുട്ടീവ് മെമ്പര്‍ കെകെ നാരായണന്‍, സിപിഎം പരപ്പ ലോക്കല്‍ കമ്മിറ്റി അംഗം ചന്ദ്രന്‍ പൈക്ക അടക്കം നിരവധി പേര്‍ ബിജെപിയില്‍ അംഗത്വമെടുത്തു.