എല്‍കെ അഡ്വാനി ആശുപത്രിയില്‍; ഗുരുതര ആരോഗ്യപ്രശ്‌നങ്ങളില്ല

മുതിര്‍ന്ന ബിജെപി നേതാവ് എല്‍കെ അഡ്വാനിയെ ആശുപത്രിയില്‍ പ്രവേശിപ്പിച്ചു. ശാരീരിക അസ്വസ്ഥതകളെ തുടര്‍ന്നാണ് അദ്ദേഹത്തെ ഡല്‍ഹി എയിംസ് ആശുപത്രിയില്‍ പ്രവേശിപ്പിച്ചത്. ഇന്നലെ രാത്രിയിലാണ് ആശുപത്രിയില്‍ പ്രവേശിപ്പിച്ചത്.

നിലവില്‍ യൂറോളജി വിഭാഗത്തിലാണ് അഡ്വാനി ചികിത്സയിലുള്ളത്. 96 വയസ്സുള്ള അദ്ദേഹത്തിന്റെ ആരോഗ്യനില തൃപ്തികരമാണെന്ന് എയിംസ് അധികൃതര്‍ അറിയിച്ചു. പ്രായാധിക്യമുള്ളതിനാല്‍ നിരീക്ഷണത്തില്‍ തുടരുകയാണ്.