സല്‍മാന്‍ ഖാന് പിന്നാലെ ഷാരൂഖ് ഖാനും വധഭീഷണി; ഗൗരവമായെടുത്ത് മുംബൈ പോലീസ്

ബോളിവുഡ് സൂപ്പര്‍സ്റ്റാര്‍ ഷാരൂഖ് ഖാന് വധഭീഷണി. മഹാരാഷ്ട്ര പോലീസിനാണ് ഇത്തരമൊരു സന്ദേശം ലഭിച്ചിരിക്കുന്നത്. ലാന്‍ഡ് ഫോണില്‍ വിളിച്ച് ഷാരൂഖ് ഖാനെ ഉടന്‍ വധിക്കുമെന്ന് സന്ദേശം നല്‍കുകുയായിരുന്നു.

വധഭീഷണിയില്‍ മുംബൈ പോലീസ് അന്വേഷണം തുടങ്ങിയിട്ടുണ്ട്. ബാന്ദ്ര പോലീസാണ് കേസ് രജിസ്റ്റര്‍ ചെയ്തിരിക്കുന്നത്. ബിഎന്‍എസ് 308 (4), 351 (3) (4) എന്നീ വകുപ്പുകള്‍ പ്രകാരമാണ് കേസ് രജിസ്റ്റര് ചെയ്തിരിക്കുന്നത്. സൈബര്‍ സെല്ലിന്റെ സഹായത്തോടെ നമ്പറിന്റെ ഉറവിടം കണ്ടെത്താനാണ് ശ്രമം. ഷാരൂഖാന്റെ സുരക്ഷ വര്‍ദ്ധിപ്പിക്കാന്‍ പോലീസ് തീരുമാനിച്ചിട്ടുണ്ട്.

നടന്‍ സല്‍മാന്‍ ഖാന് നേരെ നിരന്തരം വധഭീഷണി സന്ദേശം പോലീസിന് ലഭിച്ചിരുന്നു. ഇതോടെ നടന്റെ സുരക്ഷ വര്‍ദ്ധിപ്പിച്ചിരുന്നു. ഗുണ്ടാസംഘമായ ബിഷ്‌ണോയി സംഘത്തിന്റെ ഹിറ്റ് ലിസ്റ്റിലുള്ള നടനാണ് സല്‍മാന്‍ ഖാന്‍. കൃഷ്ണ മൃഗ വേട്ടയുമായി ബന്ധപ്പെട്ടാണ് സല്‍മാന്‍ ഖാനെ സംഘം നോട്ടമിട്ടിരിക്കുന്നത്. സല്‍മാനുമായി അടുപ്പമുള്ള എന്‍സിപി നേതാവ് ബാബ സിദ്ധിഖിയെ ഈ സംഘം വെടിവച്ചു കൊന്നിരുന്നു. ബാബ സിദ്ധിഖിയുമായി ഷാരൂഖ് ഖാനും അടുത്ത ബന്ധമാണുള്ളത്.