ഓടുന്ന ബസില്‍ കണ്ടക്ടറെ കുത്തിക്കൊന്നു; കൊല്ലപ്പെട്ടത് രാജകുമാരി സ്വദേശി അനീഷ്

കൊച്ചി കളമശേരിയില്‍ ഓടുന്ന ബസില്‍ കൊലപാതകം. സ്വകാര്യ ബസിലെ കണ്ടക്ടറെയാണ് കൊലപ്പെടുത്തിയത്. അസ്ത്ര എന്ന സ്വകാര്യ ബസിലെ കണ്ടക്ടറെ മാസ്‌ക് ധരിച്ചെത്തിയ ആള്‍ കൊലപ്പെടുത്തുകയായിരുന്നു.

കളമശ്ശേരി എച്ച്എംടി ജങ്ഷനിൽ വച്ചാണ് ആക്രമണമുണ്ടായത്. ഇടുക്കി രാജകുമാരി സ്വദേശിയായ അനീഷ് പീറ്ററാണ് കൊല്ലപ്പെട്ടത്. അക്രമി ബസിൽ ചാടിക്കയറി അനീഷിനെ കുത്തകയായിരുന്നു. ഇതിനുശേഷം ഓടി രക്ഷപ്പെടുകയും ചെയ്തു.

പ്രതിക്കായി പോലീസ് അന്വേഷണം ആരംഭിച്ചിട്ടുണ്ട്. പ്രതി എന്തിനാണ് കൊലപാതകം നടത്തിയത് എന്തിനെന്ന് വ്യക്തത വന്നിട്ടില്ല.