ഛര്‍ദ്ദിക്കാന്‍ വേണ്ടി ബസില്‍ നിന്നും തല പുറത്തേക്കിട്ടു; ലോറി തട്ടി തലയും ഉടലും വേര്‍പെട്ടു

ബസ് യാത്രയ്ക്കിടെ ഛര്‍ദ്ദിക്കാന്‍ വേണ്ടി ബസില്‍ നിന്നും തല പുറത്തേക്കിട്ട യാത്രക്കാരിക്ക് ദാരുണാന്ത്യം. മറ്റൊരു ലോറി തട്ടി തലയും ഉടലും വേര്‍പെടുകയായിരുന്നു. കര്‍ണാടകയിലാണ് നടുക്കുന്ന സംഭവം.

മൈസൂരില്‍ നിന്നും ഗുണ്ടല്‍പേട്ടിലേക്ക് പോവുകയായിരുന്ന കര്‍ണാടക ആര്‍ടിസി ബസിലായിരുന്നു സ്ത്രീ സഞ്ചരിച്ചത്. മരിച്ച സ്ത്രീയെ തിരിച്ചറിയാനുള്ള ശ്രമം നടക്കുകയാണ്.

എതിര്‍ ദിശയില്‍ വന്ന ടാങ്കര്‍ ലോറിയാണ് തലയില്‍ ഇടിച്ചത്. ഇടിയുടെ ആഘാതത്തിലാണ് തല വേര്‍പ്പെട്ടത്. ദുരന്തത്തിന്റെ കാഴ്ച ബസിലും പുറത്തുമുള്ള യാത്രക്കാര്‍ക്ക് നടുക്കമായി. ടാങ്കര്‍ ലോറി പോലീസ് കസ്റ്റഡിയില്‍ എടുത്തിട്ടുണ്ട്. ഡ്രൈവറെ ചോദ്യം ചെയ്യുകയാണ്.