വിജയം ഉറപ്പിച്ച് ചാണ്ടി ഉമ്മന്‍; ‘കാൽ ലക്ഷം’ പിന്നിട്ട് ലീഡ് നില

കോട്ടയം: പുതുപ്പള്ളിയില്‍ വോട്ടെണ്ണല്‍ പുരോഗമിക്കുകയാണ്. നാലാം റൗണ്ടിലും കുതിച്ച് ചാണ്ടി ഉമ്മന്‍. ലീഡ് 26,361 കഴിഞ്ഞു. അയര്‍ക്കുന്നത്തു ഉമ്മൻ ചാണ്ടിയേക്കാൾ ബഹുദൂരം മുന്നിലാണ് ചാണ്ടി ഉമ്മൻ. 2021 ലെ ഉമ്മൻ ചാണ്ടിയുടെ ലീഡ് ഇതിനോടകം മറികടന്നിരിക്കുകയാണ്.

കഴിഞ്ഞ വട്ടം ജെയ്ക്ക് മുന്നിലെത്തിയ ബൂത്തുകളില്‍ പോലും ഇത്തവണ ചാണ്ടി ഉമ്മനാണു മുന്നിലെത്തിയിരിക്കുന്നത്. 13 റൗണ്ടുകളായാണു വോട്ടെണ്ണുന്നത്. 182 ബൂത്തുകളാണ് ആകെയുള്ളത്. 1 മുതല്‍ 23 വരെ ബൂത്തുകള്‍ അയര്‍ക്കുന്നത്താണ്. 24 മുതൽ 28 വരെ മണർകാട്, 29 മുതല്‍ 40 വരെ അകലക്കുന്നം, 41മുതല്‍ 47വരെ ചെങ്ങളം ഈസ്റ്റ്, 48 മുതല്‍ 68 വരെ കൂരോപ്പട, 69 മുതല്‍ 88 വരെ മണർകാട്, 89 മുതല്‍ 115 വരെ പാമ്പാടി, 116 മുതല്‍ 141 വരെ പുതുപ്പള്ളി, 142 മുതല്‍ 154 വരെ മീനടം, 155 മുതല്‍ 171വരെ വാകത്താനം, 172 മുതല്‍ 182 വരെ തോട്ടയ്ക്കാട് എന്നിങ്ങനെയാണ്‌ ബൂത്തുകളുടെ വിവരം. എട്ട് പഞ്ചായത്തുകളാണ് പുതുപ്പള്ളി മണ്ഡലത്തിലുള്ളത്

കോട്ടയം ബസേലിയസ് കോളേജ് ഓഡിറ്റോറിയത്തില്‍ സജ്ജമാക്കിയിട്ടുള്ള പ്രത്യേക കേന്ദ്രത്തില്‍ രാവിലെ 8.10ഓടെയാണ്‌ വോട്ടെണ്ണല്‍ ആരംഭിച്ചത്.

Chandi Oommen