കുതിപ്പ് തുടര്‍ന്ന് ചാണ്ടി ഉമ്മന്‍; അയര്‍ക്കുന്നത്തു ഉമ്മന്‍ ചാണ്ടിയുടെ ലീഡ് മറികടന്നു, 8509 വോട്ടിനു മുന്നിൽ

കോട്ടയം: പുതുപ്പള്ളി ഉപതെരഞ്ഞെടുപ്പില്‍ ആദ്യം വോട്ട് എണ്ണിയ അയര്‍ക്കുന്നം യുഡിഎഫ് സ്ഥാനാര്‍ത്ഥി ചാണ്ടി ഉമ്മനോടൊപ്പം. കഴിഞ്ഞ തെരഞ്ഞെടുപ്പില്‍ അയര്‍ക്കുന്നത് ഉമ്മന്‍ചാണ്ടിക്ക് ലഭിച്ച വോട്ട് മറികടന്നാണ് ആദ്യ റൗണ്ടില്‍ ചാണ്ടി ഉമ്മന്‍ കുതിക്കുന്നത്. ലീഡ് നില 8509.

കഴിഞ്ഞ നിയമസഭ തെരഞ്ഞെടുപ്പില്‍ അയര്‍ക്കുന്നത് ഉമ്മന്‍ചാണ്ടിക്ക് 1293 വോട്ടിന്റെ ലീഡാണ് ലഭിച്ചിരുന്നത്. അത് മറികടന്ന് ലീഡ് ഉയര്‍ത്താന്‍ ചാണ്ടി ഉമ്മന് കഴിഞ്ഞു.

ആദ്യ രണ്ട് റൗണ്ടുകളില്‍ അയര്‍ക്കുന്നം പഞ്ചായത്തിലെ 28 ബൂത്തുകളാണ് എണ്ണിയത്. ഇതില്‍ എല്ലാ ബൂത്തുകളിലും ചാണ്ടിക്ക് ലീഡ് നേടാന്‍ കഴിഞ്ഞു. കഴിഞ്ഞ തവണ ജെയ്ക്ക് മുന്നിലെത്തിയ ബൂത്തുകളില്‍ പോലും ഇത്തവണ ചാണ്ടി ഉമ്മനാണ് മുന്നിട്ട് നില്‍ക്കുന്നത്.