ഗവര്‍ണറുടെ ക്രിസ്മസ് വിരുന്നില്‍ നിന്നും വിട്ടുനിന്ന് മുഖ്യമന്ത്രിയും മന്ത്രിമാരും; അയച്ചത് ചീഫ് സെക്രട്ടറിയെ

ഗ​വ​ർ​ണ​റു​ടെ ക്രിസ്മസ് വി​രു​ന്നില്‍ മു​ഖ്യ​മ​ന്ത്രി​യും മ​ന്ത്രി​മാ​രും പങ്കെടുത്തില്ല. പ്രതിനിധിയായി ചീഫ് സെക്രട്ടറിയെയാണ് അയച്ചത്. ഗവര്‍ണര്‍ക്ക്‌ എതിരെ ഒരു ഭാഗത്ത് പ്രതിഷേധം നടത്തുമ്പോള്‍ മറുഭാഗത്ത് വിരുന്നില്‍ പങ്കെടുക്കുന്നത് തിരിച്ചടിക്കും എന്നുള്ളതിനാലാണ് വിട്ടുനില്‍ക്കല്‍ എന്നാണ് സൂചന.

 ഭരണ- പ്രതിപക്ഷ എംഎൽഎമാരും എംപിമാരും ചടങ്ങിനെത്തിയില്ല. കോൺഗ്രസ് നേതൃത്വവുമായി ഇടഞ്ഞുനിൽക്കുന്ന പ്രതിപക്ഷ എംഎൽഎ ചാണ്ടി ഉമ്മന്‍ എത്തിയതും ശ്രദ്ധേയമായി.

കേ​ര​ള സ​ർ​വ​ക​ലാ​ശാ​ല​യി​ൽ ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​ന്റെ പരിപാടിക്ക് എതിരെ ഇന്ന് എ​സ്എ​ഫ്ഐ പ്ര​തി​ഷേ​ധിച്ചിരുന്നു. വിസിമാരെ ഗവര്‍ണര്‍ നിയമിക്കുന്നതിലുള്ള പ്രതിഷേധമാണ് പ്രകടിപ്പിച്ചത്.

സര്‍വകലാശാല സംസ്‌കൃത വിഭാഗത്തിൻ്റെ അന്താരാഷ്ട്ര സെമിനാർ ഉദ്ഘാടനം ചെയ്യാൻ എത്തിയപ്പോള്‍ സർവകലാശാല ആസ്ഥാനത്തേക്ക് എസ്എഫ്ഐ അതിക്രമിച്ച് കയറി. കുത്തിയിരുന്ന് പ്രതിഷേധിക്കുകയും ചെയ്തു. സുരക്ഷാവീഴ്ചയില്‍ ഗവര്‍ണര്‍ കടുത്ത അതൃപ്തിയും പ്രകടിപ്പിച്ചിരുന്നു.