സിനിമ-സീരിയൽ താരം അപർണ നായർ ആത്മഹത്യ ചെയ്തു

തിരുവനന്തപുരം: സിനിമാ, സീരിയല്‍ താരം അപര്‍ണ നായരെ മരിച്ച നിലയില്‍ കണ്ടെത്തി. കരമന തളിയലിലെ വീട്ടില്‍ ഇന്നലെ രാത്രി ഏഴു മണിയോടെ തൂങ്ങി മരിച്ച നിലയിലാണ് കണ്ടെത്തിയത്. കരമന പൊലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു. മൃതദേഹം സ്വകാര്യ ആശുപത്രി മോര്‍ച്ചറിയിലേക്ക് മാറ്റി. മേഘതീര്‍ത്ഥം, മുദ്ദുഗൗ, അച്ചായൻസ്, കോടതി സമക്ഷം ബാലൻ വക്കീല്‍, കല്‍ക്കി തുടങ്ങി നിരവധി സിനിമകളിലും ചന്ദനമഴ, ആത്മസഖി തുടങ്ങിയ സീരിയലുകളിലും അഭിനയിച്ചിട്ടുണ്ട്. ഭർത്താവ് സഞ്ജിത്. ത്രയ, കൃതിക എന്നിവർ മക്കളാണ്.