കടയ്ക്കാവൂരില്‍ യുവാക്കള്‍ക്ക് നേരെ ആക്രമണം; രണ്ട് പേര്‍ക്ക് ഗുരുതര പരുക്ക്

തിരുവനന്തപുരം: തിരുവനന്തപുരം കടയ്ക്കാവൂരില്‍ യുവാക്കള്‍ക്ക് നേരെ ആക്രമണം. അഞ്ചുപേര്‍ക്ക് കുത്തേറ്റു. പരിക്കേറ്റവരെ തിരുവനന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. രണ്ട് പേരുടെ നില ഗുരുതരമെന്നാണ് വിവരം.

ശനിയാഴ്ച വൈകീട്ട് 4.30-ഓടെ വിളയില്‍മൂല ജങ്ഷനില്‍നിന്ന് പള്ളിമുക്കിലേക്ക് പോകുന്ന വഴിയില്‍ ഏലാ കരയ്ക്ക് സമീപത്താണ് സംഘര്‍ഷം നടന്നത്. സംഘര്‍ഷത്തിലേക്ക് നയിച്ച കാരണം വ്യക്തമല്ല. കടയ്ക്കാവൂര്‍ പോലീസ് അന്വേഷണം തുടങ്ങി.