‘രാഹുലും പ്രിയങ്കയും ജയിച്ചത് മുസ്ലിം തീവ്രവാദികളുടെ വോട്ട് നേടിത്തന്നെ’; വിജയരാഘവൻ പറഞ്ഞത് പാർട്ടി നിലപാടെന്ന് സിപിഎം

ലോക്സഭാ തിരഞ്ഞെടുപ്പിൽ രാഹുൽ ഗാന്ധിയും പ്രിയങ്ക ഗാന്ധിയും വയനാട്ടിൽനിന്ന് വിജയിച്ചത് മുസ്ലീം വർഗീയ-തീ​വ്ര​വാദ ചേരിയുടെ പിന്തുണയോടെയാണെന്ന് പിബി അംഗം എ വിജയരാഘവന്റെ പ്രസ്താവന പാർട്ടി നിലപാടെന്ന് സിപിഎം. സംസ്ഥാന സെക്രട്ടറി എംവി ഗോവിന്ദൻ ഉൾപ്പെടെയുള്ള മുതിർന്ന നേതാക്കൾ പരാമർശത്തെ ശരിവച്ചിരിക്കുകയാണ്. യുഡിഎഫ് നേതാക്കൾ പ്രസ്താവനക്കെതിരെ കടുത്ത പ്രതിഷേധവും വിമർശനവും ഉയർത്തുന്നതിന് ഇടയിലാണ് സിപിഎം നിലപാട് വന്നിരിക്കുന്നത്.

എ വിജയരാഘവൻ പറഞ്ഞത് വളരെ കൃത്യമാണെന്നും പാർട്ടി നിലപാടാണ് പറഞ്ഞതെന്നുമാണ് എംവി ഗോവിന്ദൻ്റെ പ്രതികരണം. ജമാ അത്തെ ഇസ്ലാമിയും എസ്ഡിപിഐയും യുഡിഎഫിന്റെ ഘടകകക്ഷിയെപ്പോലെ പ്രവർത്തിക്കുന്നു. പാലക്കാട് ഉപതെരഞ്ഞെടുപ്പിൽ അത് കണ്ടതാണെന്നും സിപിഎം സംസ്ഥാന സെക്രട്ടറി പറഞ്ഞു.

ജമാ അത്തെ ഇസ്ലാമിക്കെതിരായ വിമർശനം മുസ്ലീങ്ങൾക്കെതിരല്ല. ആർഎസ്എസിനെ വിമർശിക്കുന്നത് ഹിന്ദുക്കൾക്കും എതിരല്ല. ഭൂരിപക്ഷ – ന്യൂനപക്ഷ വർഗീയതകൾ ശക്തിയായി വരുന്നു. അവയെ എതിർക്കുന്നതിൽ ഒരു വിട്ടുവീഴ്ചയും ഉണ്ടാകില്ലെന്നും അദ്ദേഹം പറഞ്ഞു. ജമാ അത്തെ ഇസ്ലാമിയുടെയും എസ്ഡിപിഐയുടെയും സഖ്യകക്ഷിയാണ് കോൺഗ്രസ്. എസ്ഡിപിഐയുടെയും ജമാ അത്തെ ഇസ്ലാമിയുടെയും വക്താക്കളാക്കി മുസ്ലിം ലീഗിനെ മാറ്റാനാണ് അവർ ശ്രമിക്കുന്നത്. എസ്ഡിപിയുടെയും ജമാ അത്തെ ഇസ്ലാമിയുടെയും സഖ്യകക്ഷി എന്ന രീതിയിൽ തന്നെയാണ് തിരഞ്ഞെടുപ്പിൽ വോട്ട് ലഭിച്ചതെന്നും എംവി ഗോവിന്ദൻ പറഞ്ഞു.

വിജയരാഘവൻ പാർട്ടി നയമാണ് പറഞ്ഞതെന്നും തെറ്റായി ഒന്നും പറഞ്ഞിട്ടില്ലെന്നും സിപിഎം കേന്ദ്ര കമ്മറ്റി അംഗം പികെ ശ്രീമതി പറഞ്ഞു. വർഗീയവാദികളും തീവ്രവാദികളും കേരളത്തിലും തലപൊക്കാൻ നോക്കുകയാണ്. അത്തരം പ്രവർത്തനം കേരളത്തിൽ നടത്താൻ അനുവദിക്കില്ല. അത് ഹിന്ദു വർഗീയവാദികളായാലും മുസ്ലിം വർഗീയവാദികളായാലും സിപിഎം ശക്തമായ നടപടിയെടുക്കുമെന്നും ശ്രീമതി പറഞ്ഞു.

Also Read: ‘വർഗീയ രാഘവൻ’; വടക്കേ ഇന്ത്യയിലെ ബിജെപി രാഷ്ട്രീയമാണ് കേരളത്തിൽ സിപിഎം നടപ്പാക്കുന്നതെന്ന് വിമർശനം

വ​യ​നാ​ട് ലോ​ക്സ​ഭ മ​ണ്ഡ​ല​ത്തി​ൽ​ നി​ന്ന് വി​ജ​യി​ച്ച് രാ​ഹു​ൽ ഗാ​ന്ധിയും പ്രിയങ്ക ഗാന്ധിയും പാർലമെൻ്റിൽ എ​ത്തി​യ​ത് മുസ്ലിം വ​ർ​ഗീ​യ ചേ​രി​യു​ടെ ദൃ​ഢ​മാ​യ പി​ന്തു​ണ​യോ​ടെ​യാ​ണ് എന്നായിരുന്നു വി​ജ​യ​രാ​ഘ​വ​ൻ്റെ വിവാദ പരാമർശം. അ​വ​രു​ടെ പി​ന്തു​ണ ഇ​ല്ലെ​ങ്കി​ൽ രാ​ഹു​ൽ ഗാ​ന്ധി ജ​യി​ക്കു​മാ​യി​രു​ന്നി​ല്ല. പ്രി​യ​ങ്ക ഗാ​ന്ധി​യു​ടെ ഓ​രോ ഘോ​ഷ​യാ​ത്ര​യു​ടെ മുന്നി​ലും പി​ന്നി​ലും ന്യൂ​ന​പ​ക്ഷ വ​ർ​ഗീ​യ​ത​യി​ലെ ഏ​റ്റ​വും മോ​ശ​പ്പെ​ട്ട വ​ർ​ഗീ​യ, തീ​വ്ര​വാദ ഘ​ട​ക​ങ്ങ​ൾ ആ​യി​രു​ന്നു​വെ​ന്നും വി​ജ​യ​രാ​ഘ​വ​ൻ പറഞ്ഞിരുന്നു. സിപിഎം വയനാട് ജി​ല്ല സ​മ്മേ​ള​ന​ത്തി​ന്‍റെ പ്ര​തി​നി​ധി സ​മ്മേ​ള​നം ഉ​ദ്ഘാ​ട​നം ചെയ്യവെയായിരുന്നു പ്രസ്താവന.