കോൺഗ്രസിൽ നിറയെ പ്രശ്നങ്ങളെന്ന് പിവി അൻവർ; ‘ലീഗ് ആണ് പ്രിയങ്കക്കായി പ്രവർത്തിച്ചത്’

കോൺഗ്രസിനെതിരെ രൂക്ഷമായ വിമർശനവുമായി പിവി അൻവർ എംഎൽഎ. പാലക്കാട്ട് കോൺഗ്രസിൽ പ്രവർത്തനമില്ലെന്നും തമ്മിലടിയാണെന്നുമാണ് അദ്ദേഹത്തിൻ്റെ കുറ്റപ്പെടുത്തൽ.പാലക്കാടിലെ അവസ്ഥ വളരെ പരിതാപകരമാണ്. ഡിഎംകെ കോൺഗ്രസിന് പിന്തുണ നൽകിയതാണ്.

Also Read: സന്ദീപ് വാര്യര്‍ ബിജെപി വിട്ട് കോണ്‍ഗ്രസിലേക്ക്; അമ്പരിപ്പിച്ച് യുവ നേതാവ്

ഡിഎംകെ പ്രവർത്തകർ കഴിയുംവിധം അവിടെ പ്രവർത്തിക്കുന്നുണ്ട്. എന്നാൽ അവിടെ കോൺഗ്രസ് പതിനാറ് തട്ടിലാണ്. കോൺഗ്രസുകാരെ തമ്മിൽ ഒരുമിപ്പിച്ച് നിർത്താൻ നേതൃത്വത്തിന് ആയിട്ടില്ലെന്നും നിലമ്പൂർ എംഎൽഎ പറഞ്ഞു.
വയനാട്ടിലെ അവസ്ഥ നോക്കിയാൽ വോട്ടിംഗ് ശതമാനം കുറഞ്ഞതിന് കാരണമെന്താണ്. ആരാണ് അതിന് ഉത്തരവാദിയെന്നും അദ്ദേഹം ചോദിച്ചു.

Also Read: ജയരാജന്റെ ആത്മകഥാ വിവാദം മാധ്യമ സൃഷ്ടിയെന്ന് മുഖ്യമന്ത്രി; യുഡിഎഫിനെ സഹായിക്കുക വിവാദത്തിന്റെ ഉന്നം

64 ശതമാനത്തിലേക്ക് വയനാട് പോലെ ഒരു പാർലമെന്റ് മണ്ഡലത്തിൽ വോട്ട് കുറയണമെങ്കിൽ അത് കോൺഗ്രസ് ലീഡർഷിപ്പിന്റെ നിരുത്തരവാദിപരമായ ഇടപെടലിന്റെ ഭാഗമായിട്ടല്ലേ. ആകെ വയനാട്ടിൽ പ്രവർത്തിച്ചത് ലീഗ് മാത്രമാണെന്നും പിവി അൻവർ പറഞ്ഞു. താൻ ഉന്നയിച്ച ഒരു ആരോപണത്തിലും കൃത്യമായ അന്വേഷണമില്ല. സ്വർണക്കടത്തിൽ അന്വേഷണം പ്രഹസനം മാത്രമായെന്നും അൻവർ പറഞ്ഞു.