കോൺഗ്രസ് പ്രവർത്തകനെ പാർട്ടി ഓഫിസിൽ മരിച്ച നിലയിൽ കണ്ടെത്തി

ആലപ്പുഴ: കോൺഗ്രസ് പ്രവർത്തകനെ ആലപ്പുഴ പാർട്ടി ഓഫിസിൽ മരിച്ച നിലയിൽ കണ്ടെത്തി. ചേർത്തല ഈസ്റ്റ് മണ്ഡലം കമ്മിറ്റി ഓഫീസിലാണ് പൊന്നൻ (68 ) മരിച്ച നിലയിൽ കണ്ടെത്തിയത്. പാർട്ടി പ്രവർത്തനവുമായി ഒട്ടുമിക്ക സമയവും ഇയാൾ പാർട്ടി ഓഫീസിൽ തന്നെയായിരുന്നു. ഇന്ന് രാവിലെയാണ് പാർട്ടി ഓഫീസിൽ മരിച്ച നിലയിൽ കണ്ടെത്തിയത് . മരണ കാരണം വ്യക്തമല്ല. മൃതദേഹം പോസ്റ്റുമോർട്ടത്തിനായി ആലപ്പുഴ മെഡിക്കൽ കോളേജിലേക്കു മാറ്റി.