ശശി തരൂർ കോൺഗ്രസ് പ്രവർത്തക സമിതിയിൽ; എ.കെ.ആന്റണിയും കെ.സി.വേണുഗോപാലും തുടരും

August 20, 2023 2:57 PM

കോൺഗ്രസിന്റെ 39 അംഗ പ്രവർത്തക സമിതി അംഗങ്ങളെ പ്രഖ്യാപിച്ചു. കേരളത്തിൽനിന്ന് ശശി തരൂരിനെ പ്രവർത്തക സമിതിയിൽ ഉൾപ്പെടുത്തി. രമേശ് ചെന്നിത്തലയെ സ്ഥിരം ക്ഷണിതാവായും കൊടിക്കുന്നിൽ സുരേഷിനെ പ്രത്യേക ക്ഷണിതാവായും ഉൾപ്പെടുത്തിയിട്ടുണ്ട്.

I am honoured by the decision of the @INCIndia President Shri Mallikarjun @Kharge ji and the Congress central leadership to nominate me to the Working Committee. As one who is aware of the historic role played by the CWC in guiding the party over the last 138 years, I am humbled…
— Shashi Tharoor (@ShashiTharoor) August 20, 2023

നിലവിൽ പ്രവർത്തക സമിതി അംഗമായ മുതിർന്ന നേതാവ് എ.കെ.ആന്റണിയെ നിലനിർത്തി. ഇവർക്കു പുറമെ 32 സ്ഥിരം ക്ഷണിതാക്കളും 9 പ്രത്യേക ക്ഷണിതാക്കളുമുണ്ട്. പ്രത്യേക ക്ഷണിതാക്കൾക്കൊപ്പം എക്സ് ഒഫീഷ്യോ അംഗങ്ങളെന്ന നിലയിൽ വിവിധ സംഘടനകളുടെ ചുമതല വഹിക്കുന്ന നാലു പേരുമുണ്ട്.

രാജസ്ഥാനിൽ ഇടഞ്ഞുനിന്ന സച്ചിൻ പൈലറ്റിനെ പ്രവർത്തക സമിതിയിൽ ഉൾപ്പെടുത്തിയിട്ടുണ്ട്. 39 പേരാണ് പ്രവർത്തകസമിയിൽ ഉൾപ്പെട്ടിട്ടുള്ളത്.

പ്രവർത്തക സമിതി അംഗങ്ങൾ: