കോവിഡ് കേസുകളില്‍ വന്‍ വര്‍ധന; ഗുരുതര സാഹചര്യമില്ല; കരുതല്‍ മതി

തിരുവനന്തപുരം: കോവിഡ് കേസുകളില്‍ വന്‍ വര്‍ധന. ഇന്നലെ മാത്രം 300 കേസുകൾ റിപ്പോർട്ട് ചെയ്തു. കഴിഞ്ഞ രണ്ട് ദിവസത്തെ അപേക്ഷിച്ച് ഇന്നലെ കൂടുതല്‍ കേസുകളാണ് എത്തിയത്. ചൊവ്വാഴ്ച 115 കേസുകളും ബുധനാഴ്ച 292 കേസുകളുമാണ് ഉണ്ടായിരുന്നത്. ഇന്നലെയും മൂന്ന് കോവിഡ് മരണങ്ങള്‍ സംഭവിച്ചിട്ടുണ്ട്.

കോവിഡിന്റെ പുതിയ വകഭേദമായ ജെഎൻ.1 ഉള്ളതിനാല്‍ ഒരു മാസത്തിനകം 3000 കേസുകൾ വരെ റിപ്പോർട്ട് ചെയ്യപ്പെടാമെന്നാണ് വിലയിരുത്തല്‍. 2341 പേരാണ് നിലവില്‍ പോസിറ്റീവായുള്ളത്. ഗു​രു​ത​ര സാ​ഹ​ച​ര്യ​മി​ല്ലെ​ന്നും മു​ൻ ക​രു​ത​ൽ മ​തി​യെ​ന്നുമാണ് അറിയിപ്പ്.

കേരളം കൂടാതെ ഗോവ, മഹാരാഷ്ട്ര, രാജസ്ഥാന്‍ സംസ്ഥാനങ്ങളിലാണ് കോവിഡിന്റെ ജെഎൻ.1 വകഭേദം സ്ഥിരീകരിച്ചത്. രാജ്യത്ത് 20 ദിവസത്തിനിടെ കോവിഡ് ബാധിച്ച് 23 പേർ മരിച്ചതായി കേന്ദ്ര ആരോഗ്യമന്ത്രാലയം സ്ഥിരീകരിച്ചിട്ടുണ്ട്.