തിരഞ്ഞെടുപ്പ് തോല്‍വിയില്‍ നിന്നും സിപിഎം പാഠം ഉള്‍ക്കൊള്ളണമെന്ന് പി.ജയരാജന്‍; തോല്‍വിയില്‍ പരിശോധന നടത്തണമെന്നും ആവശ്യം

ക​ണ്ണൂ​ര്‍: തി​ര​ഞ്ഞെ​ടു​പ്പ് തോ​ല്‍​വി​യി​ല്‍​നി​ന്ന് പാ​ഠം ഉ​ള്‍​ക്കൊ​ള്ള​ണ​മെ​ന്ന് സി​പി​എം നേതാവും ഖാ​ദി ബോ​ര്‍​ഡ് വൈ​സ് ചെ​യ​ര്‍​മാ​നു​മാ​യ പി.​ജ​യ​രാ​ജ​ന്‍. ച​രി​ത്ര​ത്തെ ശ​രി​യാ​യ രീ​തി​യി​ല്‍ വി​ല​യി​രു​ത്ത​ണം. എ​വി​ടെ​യെ​ല്ലാം പോ​രാ​യ്മ​ക​ള്‍ സം​ഭ​വി​ച്ചു​വെ​ന്ന് കൃ​ത്യ​മാ​യി പ​രി​ശോ​ധി​ച്ച് മു​ന്നോ​ട്ട് പോ​ക​ണ​മെ​ന്നും ജ​യ​രാ​ജ​ന്‍ പ​റ​ഞ്ഞു.

ടിപി വ​ധ​ക്കേസ് പ്ര​തി​യാ​യ പി.​കെ.​കു​ഞ്ഞ​ന​ന്ത​ന്‍റെ അ​നു​സ്മ​ര​ണ പ​രി​പാ​ടി​യിലായിരുന്നു ജയരാജന്റെ പ്രതികരണം. “ഇ​തു​വ​രെ ഉ​യ​ര്‍​ത്തി​പ്പി​ടി​ച്ച ശ​രി​യാ​യ ന​യ​ങ്ങ​ളി​ലും നി​ല​പാ​ടു​ക​ളി​ലും ശ​ക്ത​മാ​യി ഉ​റ​ച്ചു​നി​ല്‍​ക്ക​ണം. പോ​രാ​യ്മ​ക​ള്‍ പ​രി​ശോ​ധി​ച്ച് അ​തി​ല്‍ നി​ന്ന് പാ​ഠം ഉ​ള്‍​ക്കൊ​ണ്ട് മു​ന്നോ​ട്ട് പോ​യാ​ല്‍ ഇ​നി​യും തി​ര​ഞ്ഞെ​ടു​പ്പ് മു​ന്നേ​റ്റ​ങ്ങ​ള്‍ ഉ​ണ്ടാ​ക്കാ​ന്‍ ക​ഴി​യും.​ തോ​റ്റാ​ലും ജ​യി​ച്ചാ​ലും ജ​ന​ങ്ങ​ള്‍​ക്ക് ഒ​പ്പം നി​ല്‍​ക്കു​ക എ​ന്ന​താ​ണ് കാര്യം.” – ജ​യ​രാ​ജ​ന്‍ കൂ​ട്ടി​ച്ചേ​ര്‍​ത്തു.

അതേസമയം ലോക്സഭാ തിരഞ്ഞെടുപ്പ് തോല്‍വിയില്‍ സിപിഎം പോളിറ്റ് ബ്യൂറോ പ്രതികരിച്ചിട്ടുണ്ട്. ആഴത്തിലുള്ള പരിശോധനയും വിലയിരുത്തലും നടക്കുമെന്ന് പിബി പ്രസ്താവനയിലൂടെ അറിയിച്ചു. ഇത്രയും വലിയ തിരിച്ചടിയുണ്ടാകുമെന്ന് മുൻകൂട്ടി കണ്ട് നടപടിയെടുക്കാനും, ബിജെപിയുടെ വള‍ർച്ച തിരിച്ചറിയാനും സംസ്ഥാന ഘടകത്തിന് കഴിഞ്ഞില്ലെന്ന് പിബി വിലയിരുത്തി. എല്ലാ സംസ്ഥാനങ്ങളോടും തെരഞ്ഞെടുപ്പ് ഫലം പഠിച്ച് റിപ്പോർട്ട് സമർപ്പിക്കാനും നിര്‍ദേശം നല്‍കിയിട്ടുണ്ട്. സംസ്ഥാന കമ്മറ്റികളിൽനിന്നുള്ള റിപ്പോർട്ട് ലഭിച്ച ശേഷം എന്തൊക്കെ തിരുത്തൽ വേണമെന്ന് തുടർന്ന് തീരുമാനിക്കും.