ഡല്‍ഹി സര്‍വകലാശാല തിരഞ്ഞെടുപ്പില്‍ എൻഎസ്‌യുവിന് അഭിമാനനേട്ടം; പ്രസിഡന്റ്, ജോയിന്റ് സെക്രട്ടറി സ്ഥാനങ്ങള്‍ പിടിച്ചെടുത്തു
ഡല്‍ഹി സര്‍വകലാശാല വിദ്യാര്‍ഥി യൂണിയന്‍ തെരഞ്ഞെടുപ്പില്‍ എൻഎസ്‌യുഐക്ക് വന്‍ നേട്ടം. പ്രസിഡന്റ്, ജോയിന്റ് സെക്രട്ടറി സ്ഥാനമാണ് എൻഎസ്‌യു പിടിച്ചെടുത്തത്. സെക്രട്ടറി, വൈസ് പ്രസിഡന്റ് സ്ഥാനങ്ങള്‍ എംബിവിപി നേടി.
ഏഴുവര്‍ഷത്തിന് ശേഷമാണ് എന്‍എസ്‌യുഐക്ക് പ്രസിഡന്റ് സ്ഥാനം ലഭിക്കുന്നത്. 1343 വോട്ടിന്റെ ഭൂരിപക്ഷത്തിനാണ് റൗണക് ഖത്രി വിദ്യാർഥി യൂണിയൻ പ്രസിഡന്റ് പദവിയില്‍ എത്തിയത്.
ലോകേഷ് ചൗധരിയാണ് ജോയിന്റ് സെക്രട്ടറി. എബിവിപിയുടെ ഭാനു പ്രതാപ് സിംഗ് വൈസ് പ്രസിഡന്‍റായും മിത്രവിന്ദ കരൺവാൾ സെക്രട്ടറിയായും തെരഞ്ഞെടുക്കപ്പെട്ടു.
വോട്ടെണ്ണലും ഫലപ്രഖ്യാപനവും ഡൽഹി ഹൈക്കോടതി തടഞ്ഞുവച്ചിരുന്നു. അതിനെ തുടര്‍ന്നാണ് ഫലപ്രഖ്യാപനം നീണ്ടത്.
കേരളം ചർച്ച ചെയ്യാനിരിക്കുന്ന വലിയ വാർത്തകൾ ആദ്യം അറിയാൻ മാധ്യമ സിൻഡിക്കറ്റ് വാട്സ്ആപ്പ് ഗ്രൂപ്പിൽ ജോയിൻ ചെയ്യാം
Click here
