ഡോണൾഡ് ട്രംപിന് നേ​രെ വീണ്ടും വധശ്രമം; അക്രമി പിടിയില്‍

യു​എ​സ് പ്ര​സി​ഡ​ന്‍റ് തി​ര​ഞ്ഞെ​ടു​പ്പി​ൽ റി​പ്പ​ബ്ലി​ക്ക​ൻ സ്ഥാ​നാ​ർ​ഥിയായ ഡോണൾഡ് ട്രംപിന് നേ​രെ വെ​ടി​വ​യ്പ്. ഫ്ലോ​റി​ഡ വെ​സ്റ്റ് പാം ​ബീ​ച്ച് ഗോ​ൾ​ഫ് ക്ല​ബി​നു സ​മീ​പമാണ് വെ​ടി​വ​യ്പ്പു​ണ്ടാ​യ​ത്. ട്രം​പ് സു​ര​ക്ഷി​ത​നാ​ണെ​ന്ന് അധികൃതര്‍ വ്യക്തമാക്കി. ട്രംപിനെ വധിക്കാനുള്ള ശ്രമമായിരുന്നെന്നാണ് എഫ്ബിഐ വ്യക്തമാക്കിയത്.

യുഎസ് പ്രസിഡന്റ് ജോ ബൈഡന്‍ സ്ഥിതിഗതികൾ വിലയിരുത്തിയിട്ടുണ്ട്. തിരഞ്ഞെടുപ്പ് പ്രചരണം തുടങ്ങിയതിന് ശേഷം ട്രംപിനു നേരെ നടക്കുന്ന രണ്ടാമത്തെ വധശ്രമമാണിത്. ‌ക്ല​ബി​ൽ ഗോ​ൾ​ഫ് ക​ളി​ക്കു​ക​യാ​യി​രു​ന്ന സമയത്താണ് വധശ്രമം നടന്നത്. തോ​ക്കു​മാ​യി എ​ത്തി​യ പ്ര​തി വേ​ലി​ക്കെ​ട്ടി​ന് പു​റ​ത്തു​നി​ന്ന് ഒ​ന്നി​ലേ​റെ ത​വ​ണ വെ​ടി​വ​ച്ച​താ​യാ​ണ് റി​പ്പോ​ർ​ട്ടു​ക​ൾ.

പ്രതി ഹ​വാ​യ് സ്വ​ദേ​ശി​യാ​യ റ​യ​ൻ വെ​സ്ലി റൗ​ത്ത് (58)പിടിയിലായി. പ്ര​തി​ക്കു നേ​രെ സു​ര​ക്ഷാ ഉ​ദ്യോ​ഗ​സ്ഥ​ർ വെ​ടി​യു​തി​ർ​ത്തെ​ങ്കി​ലും എ​സ്‌​യു​വി​യി​ൽ സ്ഥ​ല​ത്തു നി​ന്നു ര​ക്ഷ​പ്പെ​ട്ട ഇ​യാ​ളെ പി​ന്തു​ട​ർ​ന്ന് കീ​ഴ്പ്പെ​ടു​ത്തു​ക​യാ​യി​രു​ന്നു. വെ​ടി​യു​തി​ർ​ക്കാ​ൻ ഉ​പ​യോ​ഗി​ച്ച തോ​ക്ക്, ര​ണ്ട് ബാ​ക്ക്പാ​ക്കു​ക​ൾ തു​ട​ങ്ങി​യ​വ ഗോ​ൾ​ഫ് കോ​ഴ്സി​നു സ​മീ​പ​ത്തു നി​ന്നു ക​ണ്ടെ​ടു​ത്തു.

ജൂലൈ 13ന് പെൻസിൽവാനിയയിലെ റാലിക്കിടെ ട്രംപിനു നേരെ വെടിവയ്പ്പുണ്ടായി. പ്രസംഗിക്കുന്നതിനിടെ നടന്ന വെടിവയ്പ്പില്‍ ട്രംപിന്റെ വലതു ചെവിക്കു പരുക്കേറ്റു. വേദിയിൽ പരുക്കേറ്റു വീണ ട്രംപിനെ സുരക്ഷാ സേന ഉടൻ സ്ഥലത്തു നിന്നു മാറ്റി. അക്രമി തോമസ് മാത്യു ക്രൂക്സിനെ സുരക്ഷാ ഉദ്യോഗസ്ഥർ നിമിഷങ്ങൾക്കുള്ളിൽ വധിച്ചു.