ഇരട്ട നരബലി കേസിലെ പ്രതിക്ക് ജാമ്യമില്ല; മൂന്നാം പ്രതി ലൈല ഭഗവൽസിങ്ങിന്റെ ജാമ്യഹര്‍ജി ഹൈക്കോടതി തള്ളി

കൊച്ചി: കേരളത്തെ നടുക്കിയ അരുംകൊലയിലെ പ്രതികൾ പലവട്ടം ജാമ്യത്തിന് ശ്രമിച്ചെങ്കിലും ഫലമുണ്ടായിരുന്നില്ല. ഒടുവിലാണ് മൂന്നാംപ്രതി ഹൈക്കോടതിയെ സമീപിച്ചത്. കേസ് കെട്ടിച്ചമച്ചതാണെന്നും കൊലപാതകങ്ങളിൽ താൻ കാഴ്ചക്കാരി മാത്രമായിരുന്നുവെന്നും ആയിരുന്നു വാദം. സമൂഹത്തെ ഞെട്ടിച്ച കേസാണിതെന്നും ജാമ്യം നൽകരുതെന്നുമായിരുന്നു സർക്കാർ വാദം. ജസ്റ്റിസ് സോഫി തോമസാണ് ജാമ്യഹര്‍ജി തള്ളിയത്.

എറണാകുളം കാലടി സ്വദേശിനി റോസ്‌ലിൻ, എറണാകുളത്ത് ലോട്ടറി കച്ചവടം നടത്തിയിരുന്ന തമിഴ്നാട് സ്വദേശിനി പത്മ എന്നിവരെ ഒന്നാംപ്രതി ഷാഫി ഇലന്തൂരിലേക്ക് കൂട്ടിക്കൊണ്ടുപോയി ഭഗവൽസിങ്, ഭാര്യ ലൈല എന്നിവരുടെ സഹായത്തോടെ കൊലപ്പെടുത്തി മൃതദേഹങ്ങൾ പല കഷണങ്ങളാക്കി വീടിന്റെ പല ഭാഗത്ത്‌ കുഴിച്ചിട്ടെന്നുമാണ് കേസ്.

സാമ്പത്തിക ഉന്നതി ലക്ഷ്യമിട്ടാണ് ഭ​ഗ​വ​ൽ സി​ങ്ങും ഭാ​ര്യ ലൈ​ല​യും ഷാഫിയുമായി അടുത്തത്. ക്രൂരതയിലൂടെയുള്ള ആനന്ദവും പണവുമായിരുന്നു ഷാഫിയുടെ ലക്ഷ്യം. ആഭിചാരക്കൊല നടത്തണമെന്ന് നിർദേശിച്ചത് ഷാഫിയാണെന്നും പത്മയുടെ മാംസം പ്രതികൾ പാകംചെയ്ത് കഴിച്ചെന്നും കുറ്റപത്രത്തിലുണ്ട്. കൊ​ല​പ്പെ​ടു​ത്താ​ൻ ഉ​പ​യോ​ഗി​ച്ച ആ​യു​ധ​ങ്ങ​ൾ, പ​ത്മ​യു​ടെ മാം​സം പാ​ച​കം ചെ​യ്യാ​നു​പ​യോ​ഗി​ച്ച പാ​ത്ര​ങ്ങ​ൾ, സി.​സി ടി.​വി ദൃ​ശ്യ​ങ്ങ​ൾ, ക​വ​ർ​ന്നെ​ടു​ത്ത ആ​ഭ​ര​ണ​ങ്ങ​ൾ തു​ട​ങ്ങി​യ​വ​യാ​ണ് പ്ര​ധാ​ന തെ​ളി​വു​ക​ൾ.

ലോ​ട്ട​റി വി​റ്റ്​ ജീ​വി​ച്ച അ​മ്മ പ​ത്മ​യെ കാ​ണാ​നി​ല്ലെ​ന്ന്​ കാണിച്ച് 2022 സെ​പ്​​റ്റം​ബ​ർ 27ന് ​ത​മി​ഴ്നാ​ട് സ്വ​ദേ​ശി​യാ​യ ശെ​ൽ​വ​ൻ കൊച്ചി ക​ട​വ​ന്ത്ര പൊ​ലീ​സ് സ്റ്റേ​ഷ​നി​ൽ ന​ൽ​കി​യതോടെ നടന്ന അന്വേഷണത്തിലാണ് ന​ര​ബ​ലി​കൾ പു​റം​ലോ​കം അ​റി​ഞ്ഞ​ത്. അ​ന്വേ​ഷ​ണം എ​റ​ണാ​കു​ള​ത്ത് ഹോ​ട്ട​ൽ ന​ട​ത്തു​ന്ന പെ​രു​മ്പാ​വൂ​ർ സ്വ​ദേ​ശി ഷാ​ഫി​യി​ലേ​ക്ക് എ​ത്തി. ഇ​യാ​ളു​ടെ ഹോ​ട്ട​ലി​ലേ​ക്ക് പ​ത്മ പോ​കു​ന്ന​തും വാഹനത്തിൽ ക​യ​റു​ന്ന​തി​ന്‍റെ​യും സിസിടിവി ദൃ​ശ്യ​ങ്ങ​ൾ ല​ഭി​ച്ച​തോ​ടെ ഷാ​ഫി വ​ല​യി​ലാ​യി. ഷാ​ഫി​യെ ചോ​ദ്യം ചെ​യ്ത​പ്പോ​ഴാ​ണ് ര​ണ്ടു ന​ര​ബ​ലി​ക​ളു​ടെ​യും കാ​ര്യം പു​റ​ത്തു​വ​ന്ന​ത്. പ​ത്മ​ക്കു മു​മ്പ് കാ​ല​ടി​യി​ലെ ലോ​ട്ട​റി വി​ൽ​പ​ന​ക്കാ​രി റോ​സ്​​ലി​നെ 2022 ജൂ​ൺ എ​ട്ടി​ന് കൊ​ല​പ്പെ​ടു​ത്തി​യ​താ​യും ഷാ​ഫി മൊ​ഴി ന​ൽ​കി. തുടര്‍ന്നാണ് കൂ​ട്ടു​പ്ര​തി​ക​ളാ​യ ഇ​ല​ന്തൂ​രി​ലെ ഭ​ഗ​വ​ൽ സി​ങ്, ഭാ​ര്യ ലൈ​ല എ​ന്നി​വ​രി​ലേ​ക്ക് അ​ന്വേ​ഷ​ണം എത്തിയത്.