ചേലക്കരയില്‍ പണം എത്തിച്ച ജയന്റെ വീട്ടില്‍ പരിശോധന; തുക വീട് നിര്‍മാണത്തിനെന്ന മൊഴിയിലും അന്വേഷണം

ഉ​പ​തെ​ര​ഞ്ഞെ​ടു​പ്പ് ന​ട​ക്കു​ന്ന ചേ​ല​ക്ക​രയില്‍ നിന്നും ഇരുപത് ലക്ഷത്തോളം പിടിച്ച സംഭവത്തില്‍ പോലീസ് അന്വേഷണം ഊര്‍ജിതമാക്കി. കാറില്‍ പണം കടത്തിയ പാ​ല​ക്കാ​ട് കു​ള​പ്പു​ള്ളി സ്വ​ദേ​ശി സി.​സി.ജ​യ​ന്‍റെ വീ​ട്ടി​ൽ പോ​ലീ​സ് പ​രി​ശോ​ധ​ന നടത്തി. പ​ണ​വുമായി ബന്ധപ്പെട്ട് രേഖകള്‍ ചോദിച്ചപ്പോള്‍ നല്‍കാന്‍ കഴിഞ്ഞിരുന്നില്ല. ഇതിനെ തുടര്‍ന്നാണ് പണം തിരഞ്ഞെടുപ്പ് കമ്മിഷന്‍ സ്ക്വാഡ് പിടികൂടിയത്.

തി​ര​ഞ്ഞെ​ടു​പ്പ് പെ​രു​മാ​റ്റ ച​ട്ടം നി​ല​വി​ലുള്ളതിനാല്‍ 50,000 രൂ​പ​യി​ല​ധി​കം പണമായി സൂ​ക്ഷി​ക്കാ​ൻ പാ​ടി​ല്ലെ​ന്നാ​ണ് നി​യ​മം.

Also Read: നിശബ്ദ പ്രചാരണത്തിനിടെ ചേലക്കരയില്‍ നിന്നും 25 ലക്ഷം പിടികൂടി; കള്ളപ്പണം ആണെന്ന് സംശയം

ചോ​ദ്യം ചെയ്തപ്പോള്‍ 25 ല​ക്ഷം രൂ​പ പി​ൻ​വ​ലി​ച്ച ബാ​ങ്ക് രേ​ഖ കൈമാറി. ബാ​ക്കി തു​ക എ​ന്ത് ചെ​യ്തു എ​ന്ന​ട​ക്കമുള്ള പരിശോധനയാണ് ഇന്‍കം ടാക്സും തി​ര​ഞ്ഞെ​ടു​പ്പ് ക​മ്മീ​ഷ​നും നടത്തുന്നത്. വീ​ട് നി​ർ​മാ​ണ​ത്തി​നു​ള്ള സാ​ധ​ന​ങ്ങ​ൾ വാ​ങ്ങാ​ൻ എ​റ​ണാ​കു​ള​ത്തേ​ക്ക് പോ​വു​ക​യാ​യി​രു​ന്നു​വെ​ന്നാ​ണ് മൊഴി നല്‍കിയത്. ഇതില്‍ അന്വേഷണം നടക്കുകയാണ്.