ഇലോൺ മസ്കിന് ഇറാനുമായി എന്ത് ബന്ധം? ട്രംപിന്‍റെ കമ്മ്യൂണിക്കേഷൻസ് മേധാവിയുടെ കൂടിക്കാഴ്ച ചർച്ചയാവുന്നു

അടുത്ത വർഷം ജനുവരി അധികാരത്തിൽ വരുന്ന ഡൊണാൾഡ് ട്രംപ് ഭരണകൂടത്തിൽ സുപ്രധാന പദവി കിട്ടിയതിന് പിന്നാലെ നിർണായക നീക്കവുമായി വ്യവസായിയും ടെസ്ല മേധാവിയുമായ ഈലോൺ മസ്ക്. യുഎന്നിലെ ഇറാൻ സ്ഥാനപതി ആമിർ സഈദ് ഇറവാനിയുമായി മസ്ക് കഴിഞ്ഞ ദിവസം കൂടിക്കാഴ്ച നടത്തി. നൂയോർക്കിലെ രഹസ്യ സ്ഥലത്ത് നടന്ന കൂടിക്കാഴ്ച, ഒരു മണിക്കൂറിലധികം നീണ്ടുവെന്നാണ് റിപ്പോർട്ടുകൾ.

Also Read: ട്രംപിന് വീണ്ടും പ്രസിഡൻ്റാകാൻ കഴിയില്ല; ഭരണഘടനാ ലംഘനം നടത്തുമെന്ന് പ്രഖ്യാപനം; ആ പരിപ്പ് വേവാൻ സാധ്യതയില്ലെന്ന് വിദഗ്ധർ

ഇറാനും അമേരിക്കയും തമ്മിലെ സംഘർഷം അവസാനിപ്പിക്കുന്നതുമായി ബന്ധപ്പെട്ട ചർച്ചയായിരുന്നു അതെന്ന് രണ്ട് ഇറാനിയൻ ഉദ്യോഗസ്ഥരെ ഉദ്ധരിച്ച് ന്യൂയോർക്ക് ടൈംസ് റിപ്പോർട്ട് ചെയ്യുന്നു. എന്നാൽ ഇതിനെ സംബന്ധിച്ച് പ്രതികരിക്കാൻ മസ്ക് തയ്യാറായില്ല. ഇത്തരം സ്ഥിരീകരിക്കാത്ത റിപ്പോർട്ടുകളെക്കുറിച്ച് അഭിപ്രായം പറയുന്നില്ല എന്നായിരുന്നു ട്രംപിന്‍റെ കമ്മ്യൂണിക്കേഷൻസ് ഡയറക്ടറക്ടറായി നിയമിച്ച അദ്ദേഹം മറുപടി പറഞ്ഞത്.

Also Read: ഗീതയിൽതൊട്ട് പ്രതിജ്ഞയെടുത്ത തുൾസി ഗബ്ബാർഡ് യുഎസ് നാഷണൽ ഇൻ്റലിജൻസ് ഡയറക്ടറാകുമ്പോൾ ഇന്ത്യ പ്രതീക്ഷിക്കുന്നത്

അമേരിക്കൻ ബ​ഹി​രാ​കാ​ശ പ​ദ്ധ​തി​ക​ളി​ൽ മു​ഖ്യ പ​ങ്കാ​ളി​ത്തം വ​ഹി​ക്കു​ന്ന സ്​​പേ​സ് എ​ക്സി​ന്റെ ഉ​ട​മയായ മസ്ക് ഇപ്പോൾ നിയുക്ത അമേരിക്കൻ പ്രസിഡന്‍റ് ഡോണൾഡ് ട്രംപിന്‍റെ അടുത്ത ഉപദേഷ്ടാവാണ്. ട്രംപ് നടത്തുന്ന പ്രധാന കൂടിക്കാഴ്ചകളിലെല്ലാം മസ്കും ഒപ്പമുള്ള. യുക്രെയ്ൻ പ്രസിഡന്‍റ് വോളോഡിമർ സെലെൻസ്‌കിയുമായി ട്രംപ് നടത്തിയ ഫോൺ സംഭാഷണത്തിൽ മസ്കും പങ്കെടുത്തിരുന്നു.റ​ഷ്യ​ൻ പ്ര​സി​ഡ​ന്റ് വ്ളാഡിമിർ പുടിനുമായി മസ്ക് അ​ടു​ത്ത സൗ​ഹൃ​ദം പു​ല​ർ​ത്തു​ന്നുണ്ടെന്നാണ് റി​പ്പോ​ർ​ട്ട്. മ​സ്കും പു​ടി​നും ര​ണ്ടു വ​ർ​ഷ​മാ​യി സ്ഥിരമായി ഫോ​ണി​ൽ ബ​ന്ധ​പ്പെ​ടു​ന്നുണ്ടെന്ന് വാ​ൾ സ്ട്രീ​റ്റ് ജേ​ണ​ൽ പ​ത്രം റിപ്പോർട്ട് ചെയ്തിരുന്നു.

Also Read: ട്രംപിൻ്റെ തിരിച്ചുവരവിൽ ഇന്ത്യക്കാരുടെ പണിപാളി? ടെക്കികൾ ഉൾപ്പെടെ ഭീഷണിയിൽ

അടുത്ത ജനുവരി 20നാണ് ഡൊണാൾഡ് ട്രംപിൻ്റെ സത്യപ്രതിജ്ഞ. റിപ്പബ്ലിക്കൻ പാർട്ടി സ്ഥാനാർഥിയായതു മുതൽ ട്രംപിന് മസ്ക് വലിയ പിന്തുണയാണ് നൽകിയിരുന്നത്. തൻ്റെ നിലപാട് മസ്ക് പരസ്യമായി പ്രഖ്യാപിച്ചിരുന്നു. 100 മില്യൺ ഡോളറാണ് ട്രംപിന്റെ തിരഞ്ഞെടുപ്പ് പ്രചാരണത്തിനായി മസ്ക് ചിലവാക്കിയത്. ഒരിടവേളക്ക് ശേഷം അധികാരത്തിൽ എത്തിയപ്പോൾ മസ്കിനെ സവിശേഷ വ്യക്തിയെന്നാണ് ട്രംപ് വിശേഷിപ്പിച്ചത്. പിന്നാലെ മസ്കിന് സർക്കാറിന്‍റെ എഫിഷ്യൻസി ഡിപാർട്മെന്റ് വകുപ്പ് തലവനായും നിയമനം നൽകിയിരുന്നു.