ഇപിയുടെ ഗൂഡാലോചന പരാതിയില്‍ നേരിട്ട് കേസ് എടുക്കാനാവില്ലെന്ന് പോലീസ്; ശോഭാ സുരേന്ദ്രനും സുധാകരനുമെതിരെ തെളിവില്ല; കേസെടുക്കാന്‍ കോടതി നിര്‍ദേശം വേണം

തി​രു​വ​ന​ന്ത​പു​രം: താന്‍ ബി​ജെ​പി​യി​ല്‍ ചേ​രു​മെ​ന്ന് പ്ര​ചാ​ര​ണം അഴിച്ചുവിട്ടവര്‍ക്ക് എതിരെ നടപടി വേണമെന്ന് ആവശ്യപ്പെട്ട് എല്‍ഡിഎഫ് ക​ണ്‍​വീ​ന​ര്‍ ഇ.​പി.​ജ​യ​രാ​ജ​ന്‍ ന​ല്‍​കി​യ പ​രാ​തി​യി​ല്‍ നേ​രി​ട്ട് കേ​സെ​ടു​ക്കാ​നാ​വി​ല്ലെ​ന്ന് പോ​ലീ​സ്. കേ​സെ​ടു​ക്കാ​നു​ള്ള മൊ​ഴി​യോ സാ​ഹ​ച​ര്യ തെ​ളി​വു​ക​ളോ ഇ​ല്ലെ​ന്നാ​ണ് വി​ശ​ദീ​ക​ര​ണം. ബി​ജെ​പി നേ​താ​വ് ശോ​ഭാ സു​രേ​ന്ദ്ര​ന്‍, കെ​പി​സി​സി പ്ര​സി​ഡ​ന്‍റ് കെ.​സു​ധാ​ക​ര​ന്‍ എ​ന്നി​വ​ര്‍​ക്കെ​തി​രെ​യാ​ണ് പ​രാ​തി ന​ല്‍​കി​യ​ത്.

തനിക്കെതിരെയുള്ള പ്രചാരണത്തിന് പിന്നില്‍ ഗൂ​ഢാ​ലോ​ച​ന ഉ​ണ്ടെ​ന്ന് കാ​ട്ടി​യാ​ണ് ഇ​പി ഡി​ജി​പി​ക്ക് പ​രാ​തി ന​ല്‍​കി​യ​ത്. ടി.ജി.നന്ദകുമാറിനൊപ്പം പ്രകാശ് ജാവഡേക്കര്‍ മകന്റെ ഫ്ളാറ്റിലെത്തി തന്നെ കണ്ടതും പിന്നീട് ശോഭ സുരേന്ദ്രന്‍ ബിജെപി പ്രവേശനമെന്ന ആരോപണം ഉന്നയിച്ചതും ഗൂഡാലോചനയാണെന്നാണ് ഇ.പിയുടെ പരാതി. സിപിഎം നിര്‍ദേശം അനുസരിച്ചായിരുന്നു പരാതി നല്‍കിയത്. സം​ഭ​വ​ത്തി​ല്‍ പ്രാ​ഥ​മി​ക അ​ന്വേ​ഷ​ണം ന​ട​ത്തി​യ ക​ഴ​ക്കൂ​ട്ടം അ​സി​സ്റ്റ​ന്‍റ് ക​മ്മീ​ഷ​ണ​ര്‍ ഇപി​യു​ടെ​യും മ​ക​ന്‍റെ​യും മൊ​ഴി രേ​ഖ​പ്പെ​ടു​ത്തി​യി​രു​ന്നു.

എ​ന്നാ​ല്‍ ഗൂ​ഢാ​ലോ​ച​ന സാ​ധൂ​ക​രി​ക്കു​ന്ന ത​ര​ത്തി​ല്‍ എ​ന്തെ​ങ്കി​ലും തെ​ളി​വ് ല​ഭി​ച്ചി​ട്ടി​ല്ല. ഈ ​സാ​ഹ​ച​ര്യ​ത്തി​ൽ കോ​ട​തി നി​ർ​ദേ​ശി​ച്ചാ​ൽ മാ​ത്ര​മാ​ണ് കേ​സെ​ടു​ക്കാ​നാ​വു​ക. പോ​ലീ​സി​ന് നേ​രി​ട്ട് കേ​സെ​ടു​ക്കാ​നാ​വി​ല്ലെ​ന്നാ​ണ് ഡി​ജി​പി​ക്ക് സ​മ​ര്‍​പ്പി​ച്ച റി​പ്പോ​ര്‍​ട്ടി​ല്‍ പ​റ​യു​ന്ന​ത്.

ബിജെപിയില്‍ ചേരാനായി ഇപി ചര്‍ച്ച നടത്തിയെന്ന ശോഭ സുരേന്ദ്രന്‍റെ ആരോപണം കെ.സുധാകരന്‍ ഏറ്റെടുത്തതോടെ ലോക്സഭാ തിരഞ്ഞെടുപ്പ് വോട്ടിംഗ് ദിനത്തില്‍ സിപിഎം പ്രതിരോധത്തിലായിരുന്നു. ഇപിയെ മുഖ്യമന്ത്രി പരസ്യമായി തള്ളിപ്പറഞ്ഞതോടെ വിവാദം കത്തി. എന്നാല്‍ എല്ലാം ഗൂഡാലോചനയെന്നായിരുന്നു ഇപിയുടെ ‌വാദം. ഇപി വിശദീകരണം നല്‍കിയതോടെ ആരോപണത്തിനെതിരെ നിയമനടപടി സ്വീകരിക്കാന്‍ സിപിഎം ആവശ്യപ്പെട്ടു. ഈ പരാതിയാണ് കേസെടുക്കാനാവില്ലെന്ന നിഗമനത്തോടെ എഴുതിതള്ളാന്‍ പൊലീസ് ഒരുങ്ങുന്നത്.