ആക്രിക്കടയിൽ സ്ഫോടനം; 4പേര്‍ കൊല്ലപ്പെട്ടു

ആക്രി സാധനങ്ങൾ ഇറക്കുന്നതിനിടയിൽ ഉണ്ടായ സ്ഫോടനത്തിൽ നാലുപേർ കൊല്ലപ്പെട്ടു. ജമ്മു കശ്മീരിലെ ബരാമുള്ളയിലെ സോപോർ മേഖലയിലാണ് സംഭവം ഉണ്ടായത്.

ഷെയർ കോളനിയിലെ താമസക്കാരനായ നസീർ അഹമ്മദ് നദ്രൂ (40), അസം അഷ്‌റഫ് മിർ (20), ആദിൽ റഷീദ് ഭട്ട് (23), അബ്ദുൾ റഷീദ് ഭട്ട്(25) എന്നിവരാണ് മരിച്ചത്.

ആക്രിക്കടയുടെ പരിസരത്ത് സാധനങ്ങൾ ഇറക്കുന്നതിന് ഇടയിലാണ് സ്ഫോടനമെന്നാണ് റിപ്പോർട്ടുകൾ. മരിച്ചവരിൽ കടയുടമയും ഉൾപ്പെടുന്നു. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

ലഡാക്കിലെ ആർമി കേന്ദ്രത്തിൽ നിന്നും വാങ്ങിയ സാധനങ്ങളാണ് പൊട്ടിത്തെറിച്ചത് എന്നാണ് പ്രാഥമിക നിഗമനം.