തിരുവനന്തപുരം – മസ്‌ക്കറ്റ് വിമാനത്തില്‍ പുക; യാത്രക്കാരെ പുറത്തിറക്കി; വിശദമായ പരിശോധന

തിരുവനന്തപുരം വിമാനത്താവളത്തില്‍ നിന്നും മസ്‌ക്കറ്റിലേക്കുള്ള എയര്‍ ഇന്ത്യ എക്‌സ്പ്രസ് വിമാനത്തിലാണ് പുക കണ്ടത്. ടേക്ക് ഓഫിന് തൊട്ടുമുമ്പായാണ് ഇക്കാര്യം അധികൃതരുടെ ശ്രദ്ധയില്‍പ്പെട്ടത്. ഇതോടെ അടിയന്തരമായി യാത്രക്കാരെ പുറത്തിറക്കി. 147 യാത്രക്കാരാണ് വിമാനത്തിലുണ്ടായിരുന്നത്.

വിമനത്തിന്റെ എന്‍ജിന്‍ ഭാഗത്താണ് പുക കണ്ടത്. നിലവില്‍ ആശങ്കപ്പെടേണ്ട സാഹചര്യം ഇല്ലെന്ന് എയര്‍ ഇന്ത്യ അറിയിച്ചു. വിമാനത്തില്‍ വിശദമായ പരിശോധന നടക്കുകയാണ്. ഗുരുതരമായ പ്രശ്‌നങ്ങളില്ലെന്ന് വിമാനത്താവള അധികൃതരും അറിയിച്ചു. രാവിലെ 11 മണിക്ക് പുറപ്പെടേണ്ട വിമാനത്തിലാണ് പുക കണ്ടെത്തിയത്.

മറ്റൊരു വിമാനം സര്‍വ്വീസ് നടത്തുമെന്ന് യാത്രക്കാരെ എയര്‍ ഇന്ത്യ അറിയിച്ചിട്ടുണ്ട്.