ഉണ്ണി മുകുന്ദനും എതിരില്ല, ‘അമ്മ’ ട്രഷററാകും; സ്ഥാനാര്‍ത്ഥികളുടെ പൂര്‍ണപട്ടിക ഇതാ

താരസംഘടനയായ അമ്മയുടെ ഭാരവാഹിത്വത്തിലേക്ക് ഉണ്ണിമുകുന്ദനും. ട്രഷറായാണ് യുവതാരം എത്തുന്നത്. പ്രസിഡന്റായ മോഹന്‍ലാലിനെ പോലെ തന്നെ ഉണ്ണി മുകുന്ദനും എതിരില്ല. നിലവില്‍ എക്സിക്യൂട്ടീവ് കമ്മറ്റിയംഗമാണ് ഉണ്ണി. വൈസ് പ്രസിഡന്റ്, ജനറല്‍ സെക്രട്ടറി സ്ഥാനങ്ങളിലേക്ക് മൂന്നുപേര്‍ വീതമാണ് മത്സരരംഗത്തുളളത്. ജോയിന്റ് സെക്രട്ടറി സ്ഥാനത്തേക്ക് രണ്ടുപേരും മത്സരത്തിനുണ്ട്. പതിനൊന്ന് അംഗ എക്സിക്യൂട്ടീവിലേക്ക് 12 പേരാണ് മത്സരരംഗത്തുള്ളത്.

വൈസ് പ്രസിഡന്റ് സ്ഥാനത്തേക്ക് ജഗദീഷ്, ജയന്‍ ആര്‍, മഞ്ജു പിള്ള എന്നിവരാണ് മത്സരിക്കുന്നത്. സംഘടനയിലെ നിര്‍ണ്ണായക പദവിയായ ജനറല്‍ സെക്രട്ടറി സ്ഥാനത്തേക്ക് കുക്കു പരമേശ്വരന്‍, സിന്ദിഖ്, ഉണ്ണി ശിവപാല്‍ എന്നിവരാണ് മത്സരരംഗത്തുള്ളത്. ഇതില്‍ സിദ്ധിഖ് ജനറല്‍ സെക്രട്ടറി സ്ഥാനത്ത് എത്താനാണ് സാധ്യത. ജോയിന്റ് സെക്രട്ടറിയാകാന്‍ അനൂപ് ചന്ദ്രന്‍, ബാബുരാജ് ജേക്കബ് എന്നിവരാണ് രംഗത്തുള്ളത്.

എക്സിക്യൂട്ടീവ് കമ്മറ്റി

1. അനന്യ
2. ആന്‍സി ഹസ്സന്‍
3. ജോയ് മാത്യു
4. കലാഭവന്‍ ഷാജോണ്‍
5. രമേഷ് പിഷാരടി
6. റോണി ഡേവിഡ്
7. സരയൂ മോഹന്‍
8. സുരാജ് വെഞ്ഞാറമൂട്
9. സുരേഷ് കൃഷ്ണ
10. ടിനി ടോം
11. ടോവിനോ തോമസ്
12. വിനു മോഹന്‍

ജൂണ്‍ 30നാണ് തിരഞ്ഞെടുപ്പ് നടക്കുക. അന്ന് തന്നെ വോട്ടെണ്ണലും നടക്കും.