സ്വർണം നവംബറിലെ ഉയർന്ന വിലയിൽ

തിരുവനന്തപുരം: സംസ്ഥാനത്ത് വീണ്ടും സ്വർണ വില വർധിച്ചു. രണ്ട് ദിവസമായി വിലയിൽ മാറ്റമില്ലാതെയായിരുന്നു സ്വർണ വ്യാപാരം നടന്നത്. പവന് 240 രൂപ വർധിച്ച് 45,480 രൂപയ്ക്കാണ് ഇന്ന് വ്യാപാരം തുടരുന്നത്. ഗ്രാമിന് 30 രൂപ കൂടി 5685 രൂപയായി. ഈ മാസത്തെ ഏറ്റവുമുയർന്ന വിലയാണിത്.

ഒക്ടോബർ 28-ന് സ്വർണവില ഏറ്റവും ഉയർന്ന നിലയിലെത്തിയിരുന്നു. പവന് 45,920 രൂപയെന്ന റെക്കോർഡ് വിലയാണ് അന്ന് രേഖപ്പെടുത്തിയത്. തുടർന്ന് രണ്ടാഴ്ച തുടർച്ചയായി സ്വർണ വിലയിൽ ഇടിവുണ്ടായി.

നവംബർ 13-നായിരുന്നു ഈ മാസത്തെ ഏറ്റവും താഴ്ന്ന വിലയായ 44,360 രൂപ രേഖപ്പെടുത്തിയത്. പിന്നീട് വിപണിയിൽ തിരിച്ചു കയറാൻ തുടങ്ങിയ സ്വർണ വിലയിൽ എട്ട് ദിവസംകൊണ്ട് പവന് 1120 രൂപയുടെ വർധനവാണ് ഉണ്ടായത്.