ട്രംപിന് പാനമ കനാല്‍ മാത്രം പോരാ ഗ്രീൻലൻഡ് കൂടി വേണം; ചുട്ട മറുപടിയുമായി ആര്‍ട്ടിക് ദ്വീപ്‌

നിയുക്ത യുഎസ് പ്രസിഡൻ്റ് ഡോണൾഡ് ട്രംപിന് ഗ്രീൻലൻഡ് വാങ്ങണം. അദ്ദേഹം വീണ്ടും വാങ്ങാൻ താൽപ്പര്യം പ്രകടിപ്പിച്ചു. എന്നാല്‍ ഗ്രീൻലൻഡ് അത് വിൽക്കുന്നില്ലെന്ന് അറിയിച്ചിരിക്കുകയാണ്. പാനമ കനാല്‍ നിയന്ത്രണം ഏറ്റെടുക്കും എന്ന് ഭീഷണി പുറപ്പെടുവിച്ചതിന് പിന്നാലെയാണ് ട്രംപ് ഗ്രീന്‍ലന്‍ഡിന് നേരെയും തിരിഞ്ഞിരിക്കുന്നത്. ഈ വലിയ ആര്‍ട്ടിക് ദ്വീപ്‌ യുഎസിന് തന്ത്രപരമായി പ്രാധാന്യമുള്ള ദ്വീപാണ്.

ഒരുകാലത്ത് ഒരു ഡാനിഷ് കോളനിയായിരുന്ന ഗ്രീൻലൻഡ് ഇപ്പോൾ ഡെൻമാർക്കിൻ്റെ ഒരു സ്വയംഭരണ പ്രവിശ്യയാണ്. വടക്കൻ അറ്റ്ലാൻ്റിക് സമുദ്രത്തിൽ, യൂറോപ്പിനും വടക്കേ അമേരിക്കയ്ക്കും ഇടയിൽ, കാനഡയിൽ നിന്ന് ബാഫിൻ ഉൾക്കടലിന് കുറുകെയുമാണ്‌ സ്ഥിതി ചെയ്യുന്നത്. ശീതയുദ്ധകാലത്ത് അതിൻ്റെ തന്ത്രപരമായ പ്രാധാന്യം ഉയർന്നു.

യുഎസിന് അവിടെ ഒരു വലിയ എയർ ബേസ് ഉണ്ട്. റഷ്യയിൽ നിന്നോ ചൈനയിൽ നിന്നോ ഉത്തരകൊറിയയിൽ നിന്നോ വരുന്ന മിസൈലുകൾ നിരീക്ഷിക്കാനും തടയാനുംകഴിയും. അതുപോലെ, ഗ്രീൻലൻഡിൽ നിന്ന് കൂടുതൽ എളുപ്പത്തിൽ ഏഷ്യയിലേക്കോ യൂറോപ്പിലേക്കോ മിസൈലുകളും കപ്പലുകളും അയക്കാനും കഴിയും.

ഗ്രീൻലൻഡ് ധാതുക്കളാൽ സമ്പന്നമാണ്. ഇത് മൊബൈൽ ഫോണുകൾ, ഇലക്ട്രിക് വാഹനങ്ങൾ, മറ്റ് ഉപഭോക്തൃ ഇലക്ട്രോണിക്സ് എന്നിവയിലും ബോംബുകളിലും മറ്റ് ആയുധങ്ങളിലും ഇവ ഉപയോഗിക്കുന്നു. നിലവിൽ ചൈനയാണ് പ്രധാന വിതരണക്കാരൻ. 2021ൽ ഗ്രീൻലൻഡ് യുറേനിയം ഖനനം നിരോധിക്കുന്ന നിയമം പാസാക്കി.

ആർട്ടിക് മേഖലയിൽ പുതിയ ജലപാതകൾ തുറക്കാൻ യുഎസിന് കഴിയും. എല്ലാ പ്രമുഖ ശക്തികളും ഇവിടെ സാന്നിധ്യം വർദ്ധിപ്പിക്കാൻ ആഗ്രഹിക്കുന്നു. ഗ്രീൻലാൻഡിലും അതിൻ്റെ അയൽപക്കങ്ങളിലും റഷ്യൻ – ചൈനീസ് സ്വാധീനം കുറയ്ക്കാന്‍ യുഎസ് ആഗ്രഹിക്കുന്നു.

ട്രംപ് പ്രസിഡന്റായ സമയത്ത് അവസാന കാലയളവിൽ ഗ്രീൻലൻഡ് വാങ്ങാൻ നിർദ്ദേശിച്ചിരുന്നു.എന്നാല്‍ ഡെൻമാർക്ക് പ്രധാനമന്ത്രി മെറ്റെ ഫ്രെഡറിക്‌സൻ ഈ നിര്‍ദേശം തള്ളിക്കളഞ്ഞു.ഇതോടെ ഡെൻമാർക്ക് സന്ദർശനം ട്രംപ് റദ്ദാക്കി.