നടപന്തല്‍ കേക്ക് മുറിക്കാനുള്ള ഇടമല്ലെന്ന് ഹൈക്കോടതി; വീഡിയോഗ്രാഫിക്കും ഗുരുവായൂരില്‍ കര്‍ശന നിയന്ത്രണം

ഗു​രു​വാ​യൂ​ർ ക്ഷേ​ത്രം ന​ട​പ്പ​ന്ത​ലി​ൽ വീ​ഡി​യോ​ഗ്രാ​ഫി​ക്ക് നി​യ​ന്ത്ര​ണം. വി​വാ​ഹ ച​ട​ങ്ങു​ക​ള്‍​ക്കും മ​റ്റ് മ​ത​പ​ര​മാ​യ ച​ട​ങ്ങു​ക​ള്‍​ക്കു​മ​ല്ലാ​തെ വീ​ഡി​യോ​ഗ്രാ​ഫി അ​നു​വ​ദി​ക്ക​രു​തെ​ന്നാണ് ഹൈക്കോടതി ഉത്തരവ്. ചി​ത്ര​കാ​രി ജ​സ്ന സ​ലീം ജന്മദിനാഘോഷവുമായി ബന്ധപ്പെട്ട് ക്ഷേ​ത്ര പ​രി​സ​ര​ത്ത് കേ​ക്ക് മു​റിച്ചിരുന്നു. ഇതുമായി ബ​ന്ധ​പ്പെ​ട്ട ഹ​ർ​ജി​യി​ലാ​ണ് ഉ​ത്ത​ര​വ്. പി.വേണുഗോപാൽ, ബബിത മോൾ എന്നിവരാണ് ഹർജി നല്‍കിയത്.

ക്ഷേ​ത്രം ന​ട​പ്പ​ന്ത​ൽ പി​റ​ന്നാ​ൾ കേ​ക്ക് മു​റി​ക്കാ​നു​ള്ള സ്ഥ​ല​മ​ല്ലെ​ന്നാണ് കോ​ട​തി നി​രീ​ക്ഷി​ച്ചത്. ആരാധനാലയ പരിസരം മറ്റ് കാര്യങ്ങള്‍ക്ക് ഉപയോഗിക്കാന്‍ പാടില്ലെന്നാണ് ഹൈക്കോടതി പറഞ്ഞത്. ഗു​രു​വാ​യൂ​ര്‍ ക്ഷേ​ത്രപ​രി​സ​രവും ഇ​ത്ത​രം കാ​ര്യ​ങ്ങ​ള്‍​ക്ക് ഉ​പ​യോ​ഗി​ക്കു​ന്ന​ത് ശ​രി​യ​ല്ല.

സെ​ലി​ബ്രി​റ്റി​കള്‍ക്കൊപ്പമുള്ള വ്ലോ​ഗ​ർ​മാ​രു​ടെ വീ​ഡി​യോ​ഗ്രാ​ഫി​യും അ​നു​വ​ദി​ക്ക​രു​തെ​ന്ന് കോ​ട​തി വ്യ​ക്ത​മാ​ക്കി. കോടതി ഉത്തരവ് വ്ലോഗര്‍മാരെയും വീഡിയോ എടുത്ത് സോഷ്യല്‍ മീഡിയയില്‍ പോസ്റ്റുചെയ്യുന്നവര്‍ക്കും തിരിച്ചടിയാകും. സെ​ലി​ബ്രി​റ്റി​കള്‍ എത്തുമ്പോള്‍ വീഡിയോഗ്രാഫര്‍മാരുടെ തിരക്കാണ് ഗുരുവായൂരില്‍. ഇവര്‍ക്കെല്ലാം ഇനി പിടി വീഴും.

ശ്രീകൃഷ്ണ ചിത്രങ്ങൾ വരച്ച് ഏറെ പ്രശസ്തി നേടിയ ചിത്രകാരിയാണ് ജസ്ന. കൃഷ്ണ ചിത്രങ്ങളുമായി ഇവര്‍ ഗുരുവായൂര്‍ നടയില്‍ എത്താറുണ്ട്. ഗുരുവായൂരിലെത്തിയ പ്രധാനമന്ത്രി നരേന്ദ്രമോദിക്കും കണ്ണന്റെ ചിത്രം സമ്മാനിച്ചിരുന്നു. കഴിഞ്ഞവർഷം വിവിധ വലിപ്പത്തിലുള്ള കണ്ണന്റെ 101 ചിത്രങ്ങൾ ഒരുമിച്ച് ഗുരുവായൂരിൽ സമർപ്പിച്ചിരുന്നു. ഗുരുവായൂര്‍ നടയില്‍ വച്ച് ജസ്ന കേക്ക് മുറിച്ചത് പക്ഷെ വിവാദങ്ങളാണ് സൃഷ്ടിച്ചത്. ഇതിനെതിരെ സൈബര്‍ ആക്രമണം രൂക്ഷമാണെന്ന് ജസ്ന പരാതിപ്പെട്ടിരുന്നു.