ഞങ്ങൾ അന്നും ഇന്നും; 20 വർഷങ്ങൾക്കുശേഷം കണ്ടുമുട്ടി ഹാരി പോർട്ടർ താരങ്ങൾ

ബോളിവുഡിലെ എക്കാലത്തെയും മികച്ച ചിത്രങ്ങളിലൊന്നായാണ് ഹാരി പോർട്ടർ വിലയിരുത്തപ്പെടുന്നത്. ജെ.കെ.റൗളിങ്ങിന്റെ ഹാരിപോർട്ടർ നോവലിനെ ആസ്പദമാക്കി എട്ട് സിനിമകളായാണ് ഹാരിയുടെ കഥ വെള്ളിത്തിരയിൽ ആരാധകരെ കോരിത്തരിപ്പിച്ചത്. ചിത്രത്തിൽ അഭിനയിച്ച രണ്ടുപേർ 20 വർഷങ്ങൾക്കുശേഷം കണ്ടുമുട്ടിയിരിക്കുകയാണ്.

ചിത്രത്തിലെ പത്മ എന്ന കഥാപാത്രത്തെ അവതരിപ്പിച്ച അഫ്ഷാൻ ആസാദും റോൺ ആയി എത്തിയ റുപെർട്ട് ഗ്രിന്റുമാണ് ലണ്ടൻ ഒളിംപിയ എക്സിബിഷൻ സെന്ററിൽവച്ച് വീണ്ടും കണ്ടുമുട്ടിയത്. ഇരുവരും കണ്ടുമുട്ടിയതിന്റെ ചിത്രങ്ങൾ അഫ്ഷാൻ തന്റെ ഇൻസ്റ്റഗ്രാം പേജിൽ ഷെയർ ചെയ്തിട്ടുണ്ട്. ഹാരി പോർട്ടർ സിനിമ ഷൂട്ടിങ് സമയത്തെ ഇരുവരും ഒന്നിച്ചുള്ള ചിത്രവും ഇക്കൂട്ടത്തിലുണ്ട്.

‘പത്മയും റോണും 20 വർഷങ്ങൾക്കുശേഷം കണ്ടുമുട്ടി’ എന്നാണ് ചിത്രങ്ങൾ ഷെയർ ചെയ്ത് അഫ്ഷാൻ കുറിച്ചത്. ഹാരി പോർട്ടറിന്റെ ആദ്യ പാർട്ടിലും 2011 ലും 2005 ലും 2009 ലും പുറത്തിറങ്ങിയ സീരീസുകളിലും അഫ്ഷാൻ അഭിനയിച്ചിരുന്നു. 2018 ൽ നബിൽ കാസിയെ വിവാഹം കഴിച്ചു. ദമ്പതികൾക്ക് രണ്ട് കുട്ടികളുമുണ്ട്. ഇപ്പോൾ വോർസെസ്റ്ററിലാണ് താമസിക്കുന്നത്. ഹാരി പോർട്ടർ സീരീസുകളിലുടനീളം റോൺ വെസ്‌ലിയെന്ന കഥാപാത്രത്തെയാണ് റുപർട്ട് അവതരിപ്പിച്ചത്. 2023 ൽ പുറത്തിറങ്ങിയ നോക്ക് ആണ് അവസാനം റിലീസായ ചിത്രം.