അര്‍ധരാത്രിയും പുലര്‍ച്ചെയും വൈദ്യപരിശോധന; വലഞ്ഞ് ബോബി ചെമ്മണ്ണൂര്‍; ഇ​ന്ന് കോ​ട​തി​യി​ൽ ഹാ​ജ​രാ​ക്കും

ന​ടി ഹ​ണി റോസ് നല്‍കിയ ലൈം​ഗി​കാ​ധി​ക്ഷേ​പ പരാതിയെ തുടര്‍ന്ന് അ​റ​സ്റ്റി​ലാ​യ വ്യവസായി ബോ​ബി ചെ​മ്മ​ണ്ണൂ​രി​നെ ഇ​ന്ന് കോ​ട​തി​യി​ൽ ഹാ​ജ​രാ​ക്കും. രാ​വി​ലെ 11 മ​ണി​യോ​ടെ എ​റ​ണാ​കു​ളം സി​ജെ​എം കോ​ട​തി​യി​ലാ​ണ് ഹാ​ജ​രാ​ക്കു​ക.

ഇന്നലെ രാ​ത്രി വൈ​ദ്യ പ​രി​ശോ​ധ​ന പൂ​ർ​ത്തി​യാ​ക്കി​യ ശേ​ഷം എ​റ​ണാ​കു​ളം സെ​ൻ​ട്ര​ൽ പോ​ലീ​സ് സ്റ്റേ​ഷ​നി​ലാ​ണ് താമസിപ്പിച്ചത്. പു​ല​ർ​ച്ചെ അ​ഞ്ച് മ​ണി​യോ​ടെ വീ​ണ്ടും ജ​ന​റ​ൽ ആ​ശു​പ​ത്രി​യി​ൽ വൈ​ദ്യ​പ​രി​ശോ​ധ​ന​യ്ക്ക് എ​ത്തി​ച്ചു.

ബോ​ബി ചെ​മ്മ​ണ്ണൂ​രി​ന്‍റെ ഫോ​ൺ പോലീസ് കസ്റ്റഡിയില്‍ വാങ്ങിയിട്ടുണ്ട്. അ​ന്വേ​ഷ​ണ​സം​ഘം വി​ശ​ദ​മാ​യി ചോ​ദ്യം ചെ​യ്തിട്ടുണ്ട്. സ്ഥി​ര​മാ​യി ഉ​പ​യോ​ഗി​ച്ചി​രു​ന്ന ഐ​ഫോ​ൺ ഫോ​റ​ൻ​സി​ക് പ​രി​ശോ​ധ​ന​യ്ക്ക് അ​യ​ക്കാ​നാ​ണ് പോ​ലീ​സി​ന്‍റെ തീ​രു​മാ​നം.

ഇന്നലെ രാ​വി​ലെയാണ് തീര്‍ത്തും നാടകീയമായാണ് വ​യ​നാ​ട് മേ​പ്പാ​ടി​യി​ലെ റി​സോ​ർ​ട്ട് വ​ള​പ്പി​ൽ വ​ച്ച് ബോ​ബി ചെ​മ്മ​ണ്ണൂ​രി​നെ അ​ന്വേ​ഷ​ണ​സം​ഘം ക​സ്റ്റ​ഡി​യി​ലെ​ടു​ത്ത​ത്. എ​റ​ണാ​കു​ള​ത്ത് എ​ത്തി​ച്ചാ​ണ് അ​റ​സ്റ്റ് രേ​ഖ​പ്പെ​ടു​ത്തി​യ​ത്.