ഭാര്യയെ വകവരുത്തുമെന്ന് ഓഡിയോ സന്ദേശം അയച്ചു; പിന്നാലെ വീട്ടില്‍ കയറി വെട്ടി; യുവാവ് അറസ്റ്റില്‍

കോഴിക്കോട് ഭാര്യയെ ഭർത്താവ് വെട്ടി പരുക്കേൽപ്പിച്ചു. വടകര ചെമ്മരത്തൂരിലാണ് പരിഭ്രാന്തി പരത്തിയ സംഭവം. ചെമ്മരത്തൂർ സ്വദേശി അനഘയ്ക്കാണ് രണ്ട് കൈകള്‍ക്കും വെട്ടേറ്റത്. തടയാന്‍ ശ്രമിച്ച അമ്മൂമ്മയ്ക്കും പരുക്കേറ്റു.ഭ ർത്താവ് ഷനൂബിനെ ബസ് സ്റ്റോപ്പില്‍ നിന്നും വടകര പൊലീസ് കസ്റ്റഡിയിലെടുത്തു.

വകവരുത്തുമെന്ന് ചൂണ്ടിക്കാട്ടി ഭർത്താവ് പലർക്കും ഓഡിയോ സന്ദേശം അയച്ചിരുന്നെന്നാണ് അനഘ പറഞ്ഞത്. അതിനുശേഷമാണ് അതിക്രമം നടത്തിയത്. കത്തിയും കൊടുവാളുമായെത്തിയാണ് ആക്രമണം നടത്തിയത്.

അനഘയെ വടകര ജില്ലാ ആശുപത്രിയിൽ പ്രവേശിപ്പിച്ചു. സംഭവത്തില്‍ പോലീസ് അന്വേഷണം തുടങ്ങിയിട്ടുണ്ട്.