ഈ ബ്രാന്‍ഡിലുള്ള വോഡ്ക, റം, വിസ്കി, കോക്ക്ടെയിൽ കഴിക്കാം; മദ്യത്തിന്‍റെ പ്രശ്നങ്ങളൊന്നും ഇല്ലാതെ!! ഇന്ത്യയിൽ പുതിയ ട്രെൻ്റ്

ഇന്ത്യൻ ആൽക്കോ-ബിവറേജ് ബിസിനസ് മേഖലയിലെ പുതിയ ചർച്ചാ വിഷയമാണ് നോൺ-ആൽക്കഹോളിക് സ്പിരിറ്റുകൾ (non-alcoholic spirits) അഥവാ സീറോ പ്രൂഫ് സ്പിരിറ്റുകൾ (zero-proof spirits). ആൽക്കഹോൾ അടങ്ങിയിട്ടില്ല എന്നതാണ് പ്രത്യേകത. പരമ്പരാഗത മദ്യത്തിൻ്റെ രുചി ഉണ്ടെങ്കിലും ആൽക്കഹോളിൻ്റെ അംശം ഒട്ടും കാണില്ല. ഇവയ്ക്ക് ഇന്ത്യയിൽ ആവശ്യക്കാർ ഏറുന്നുവെന്നാണ് റിപ്പോർട്ടുകൾ.

ഇന്ത്യൻ നോൺ-ആൽക്കഹോളിക് ബിയറുകൾ വളരെക്കാലമായി നിലവിലുണ്ട്. എന്നാൽ ഇപ്പോൾ ആൽക്കഹോൾ അടങ്ങിയിട്ടില്ലാത്ത ജിന്നുകൾ, വോഡ്കകൾ, റമ്മുകൾ, കോക്ക്ടെയിലുകൾ എന്നിവ വ്യാപകമായി ഉപയോഗിക്കുന്ന പ്രവണത വർധിച്ചിരിക്കുകയാണ്. സോബർ, സോബ്രിറ്റി സിപ്‌സ്, ക്യാറ്റ്‌വാക്ക് ബൊട്ടാണിക്‌സ് തുടങ്ങിയ ബ്രാൻഡുകളാണ് ഈ പാനീയങ്ങൾ ഇന്ത്യയിൽ അവതരിപ്പിക്കുന്നതിൽ മുൻനിരക്കാർ.

“ഇത് ജിന്നാണ്, ഇതിനെ മദ്യപാനത്തിൻ്റെ കൂട്ടത്തിൽപ്പെടുത്തരുത്” (It is gin, but it is not alcoholic) – ഇത് മദ്യപാനത്തെപ്പറ്റിയുള്ള ലോകപ്രശസ്തമായ ചൊല്ലാണ്. എന്നാൽ ഈ മട്ടിൽ ആർക്കും പറയാൻ കഴിയുന്ന തരത്തിൽ ഇന്ത്യയിലെ മദ്യവ്യവസായം മാറാൻ പോകുന്നു എന്നാണ് റിപ്പോർട്ടുകൾ.

കലോറിയും വളരെ കുറഞ്ഞ അളവിലാണ് സീറോ പ്രൂഫ് സ്പിരിറ്റുകളിൽ ഉള്ളത്. മദ്യവുമായി ബന്ധപ്പെട്ട പാർശ്വഫലങ്ങളും ആരോഗ്യ പ്രശ്നങ്ങളും ഉണ്ടാകില്ല. ഹാംഗ് ഓവർ ഉണ്ടാകുമെന്ന പേടിയും വേണ്ട.