താ​ലി​ബാ​നു​മാ​യി ഇ​ന്ത്യയുടെ ഔദ്യോഗിക ച​ർ​ച്ച; ചാ​ബ​ഹാ​ർ തു​റ​മു​ഖ​ത്തില്‍ ധാരണയില്‍ എത്താന്‍ ശ്രമം

അഫ്ഘാനിസ്ഥാനില്‍ ഭരണം നടത്തുന്ന ഭീ​ക​ര സം​ഘ​ട​ന​യാ​യ താ​ലി​ബാ​നു​മാ​യി ഇ​ന്ത്യ ച​ർ​ച്ച ന​ട​ത്തി. ആദ്യമായുള്ള ഈ ചര്‍ച്ച ദു​ബാ​യി​യി​ലാ​യി​രു​ന്നു. വി​ദേ​ശ​കാ​ര്യ സെ​ക്ര​ട്ട​റി വി​ക്രം മി​സ്രി​യും താ​ലി​ബാ​ൻ ആ​ക്ടിം​ഗ് വി​ദേ​ശ​കാ​ര്യ​മ​ന്ത്രി​യും അമീർ ഖാൻ മുത്താഖിയുമായാണ് കൂ​ടി​ക്കാ​ഴ്ച ന​ട​ത്തി​യ​ത്. വിദേശകാര്യ സെക്രട്ടറിയും ഒരു മുതിർന്ന താലിബാൻ നേതാവും തമ്മില്‍ ഔദ്യോഗികമായി അംഗീകരിക്കപ്പെട്ട ആദ്യ കൂടിക്കാഴ്ചയാണിത്.

ഇ​റാ​നി​ൽ ഇ​ന്ത്യ വി​ക​സി​പ്പി​ക്കു​ന്ന ചാ​ബ​ഹാ​ർ തു​റ​മു​ഖ​ത്തി​ന്‍റെ കാ​ര്യ​ത്തി​ലും ച​ർ​ച്ച നടന്നു. അ​ഫ്ഗാ​നി​സ്ഥാ​നു​മാ​യി ക്രി​ക്ക​റ്റ്, ആ​രോ​ഗ്യം തു​ട​ങ്ങി​യ മേ​ഖ​ല​ക​ളി​ൽ ഇ​ന്ത്യ സ​ഹ​ക​രി​ക്കും. മാ​നു​ഷി​ക സ​ഹ​ക​ര​ണവും തു​ട​രും. മേ​ഖ​ല​യി​ലെ സു​ര​ക്ഷ​യി​ൽ ഇ​ന്ത്യ​യ്ക്കു​ള്ള ആ​ശ​ങ്ക താ​ലി​ബാ​ൻ ആ​ക്ടിം​ഗ് വി​ദേ​ശ​കാ​ര്യ​മ​ന്ത്രി​യെ അ​റി​യി​ച്ചു.

അ​ഫ്ഗാ​ൻ അ​ഭ​യാ​ർ​ഥി​ക​ളു​ടെ പു​ന​ര​ധി​വാ​സ​ത്തി​ന് സ​ഹാ​യം ഉ​ണ്ടാ​കു​മെ​ന്ന് ഇ​ന്ത്യ ഉ​റ​പ്പു ന​ൽ​കി​യിട്ടുണ്ട്. അഫ്ഗാൻ മണ്ണ് ഇന്ത്യാ വിരുദ്ധർ ഉപയോഗിക്കുന്നില്ലെന്ന് ഉറപ്പാക്കാൻ താലിബാനോട് ഇന്ത്യൻ നേരത്തെ തന്നെ ആവശ്യപ്പെട്ടിരുന്നു.