യുഎസും ഇന്ത്യയും തമ്മില്‍ അ​തു​ല്യ സൗ​ഹൃ​ദം പ​ങ്കി​ടു​ന്നു​ എന്ന് വൈ​റ്റ് ​ഹൗസ്; പ്രസ്താവന ജെ​യ്ക് സ​ള്ളി​വ​ന്‍റെ ഇന്ത്യാ സ​ന്ദ​ർ​ശ​നം തുടരുന്നതിനിടെ

ഇന്ത്യയും യു​എ​സും തമ്മിലുള്ള ബന്ധം അരക്കിട്ട് ഉറപ്പിച്ച് യുഎസിന്റെ പ്രസ്താവന. ലോകത്തിലെ ഏറ്റവും പഴക്കമുള്ള ജനാധിപത്യ രാജ്യങ്ങളെന്ന നിലയില്‍ ഇന്ത്യയും അമേരിക്കയും തമ്മില്‍ അ​തു​ല്യ​മാ​യ സൗ​ഹൃ​ദം പ​ങ്കി​ടു​ന്നു​വെ​ന്ന് വൈ​റ്റ് ​ഹൗസ്. ദേ​ശീ​യ സു​ര​ക്ഷാ ഉ​പ​ദേ​ഷ്ടാ​വ് ജെ​യ്ക് സ​ള്ളി​വ​ന്‍റെ ഇ​ന്ത്യ സ​ന്ദ​ർ​ശ​നം ഇ​രു​രാ​ജ്യ​ങ്ങ​ളും ത​മ്മി​ലു​ള്ള നി​ല​വി​ലെ ബ​ന്ധം കൂ​ടു​ത​ൽ ഉ​റ​പ്പാ​ക്കു​മെ​ന്നും വൈ​റ്റ് ഹൗ​സ് നാ​ഷ​ണ​ൽ സെ​ക്യൂ​രി​റ്റി ക​മ്മ്യൂ​ണി​ക്കേ​ഷ​ൻ​സ് അ​ഡ്വൈ​സ​ർ ഓ​ൻ കി​ർ​ബി വാ​ർ​ത്താ സ​മ്മേ​ള​ന​ത്തി​ൽ വ്യക്തമാക്കി.

മോ​ദി സ​ർ​ക്കാ​ർ മൂ​ന്നാം ത​വ​ണ​യും അ​ധി​കാ​ര​ത്തി​ൽ വ​ന്ന​തി​ന് പി​ന്നാ​ലെ​യാ​ണ് യു​എ​സ് ദേ​ശീ​യ സു​ര​ക്ഷാ ഉ​പ​ദേ​ഷ്ടാ​വ് ജെ​യ്ക് സ​ള്ളി​വ​ൻ ഇ​ന്ത്യ സ​ന്ദ​ർ​ശി​ക്കു​ന്ന​ത്. സ​ള്ളി​വ​ൻ ഇന്നലെ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​മാ​യും അ​ജി​ത് ഡോ​വ​ലു​മാ​യും കൂ​ടി​ക്കാ​ഴ്ച ന​ട​ത്തി.

ഖാ​ലി​സ്ഥാ​നി വി​ഘ​ട​ന​വാ​ദി നേതാവ് ഗുർപട്‍വന്ത് സിങ് പ​ന്നു​വി​നെ കൊ​ല​പ്പെ​ടു​ത്താ​ന്‍ ശ്ര​മി​ച്ചെ​ന്ന കേസുമായി ബ​ന്ധ​പ്പെ​ട്ട ചോ​ദ്യ​ങ്ങ​ളോ​ട് പ്ര​തി​ക​രി​ക്കാ​ൻ അ​ദ്ദേ​ഹം ത​യ​റാ​യി​ല്ല. പ​ന്നു​വി​നെ കൊ​ല​പ്പെ​ടു​ത്താ​ന്‍ ശ്ര​മി​ച്ചെ​ന്ന കേ​സി​ല്‍ അ​റ​സ്റ്റി​ലാ​യ ഇ​ന്ത്യ​ക്കാ​ര​ന്‍ നി​ഖി​ല്‍ ഗു​പ്ത​യെ ചെ​ക്ക് റി​പ്പ​ബ്ലി​ക്ക് അ​മേ​രി​ക്ക​യ്ക്ക് കൈ​മാ​റിയിരുന്നു. തി​ങ്ക​ളാ​ഴ്ച ന്യൂ​യോ​ർ​ക്കി​ലെ ഫെ​ഡ​റ​ൽ കോ​ട​തി​യി​ൽ ഹാ​ജ​രാ​ക്കി​യ നി​ഖി​ൽ ഗു​പ്ത കു​റ്റം നി​ഷേ​ധി​ച്ചു.