നവജാതശിശുവിന്‍റെ ശരീരത്തില്‍ ബലപ്രയോഗത്തിന്‍റെ പാടുകള്‍; കൂടുതല്‍ അന്വേഷണത്തിന് പോലീസ്; യുവതി ചികിത്സയില്‍ തുടരുന്നു; ഇ​ന്‍​സ്റ്റ​ഗ്രാം സു​ഹൃ​ത്ത് അറസ്റ്റിലായേക്കും

കൊ​ച്ചി: പ​ന​മ്പ​ള്ളി ന​ഗ​റി​ലെ ന​വ​ജാ​ത ശി​ശു​വി​നെ കൊലപ്പെടുത്തിയ കേസില്‍ കൂടുതല്‍ അന്വേഷണത്തിന് പോ​ലീ​സ്. കുട്ടിയുടെ മരണവുമായി ബന്ധപ്പെട്ട വിവരങ്ങള്‍ ഇന്ന് കോ​ട​തി​യെ അ​റി​യി​ക്കും. ചി​കി​ത്സ​യി​ൽ ക​ഴി​യു​ന്ന യു​വ​തി​യു​ടെ ആ​രോ​ഗ്യ​നി​ല തൃ​പ്തി​ക​ര​മാ​യാൽ പോ​ലീ​സ് ജു​ഡി​ഷ്യ​ൽ ക​സ്റ്റ​ഡി ആ​വ​ശ്യ​പ്പെ​ടും. യുവതിയുടെ മൊ​ഴി അനുസരിച്ച് ആ​ൺ സു​ഹൃ​ത്തി​നെ​തി​രെ കേ​സ് എ​ടു​ക്കും.

യു​വ​തി​യെ പീ​ഡി​പ്പി​ച്ചെ​ന്നു ക​രു​തു​ന്ന ഇ​ന്‍​സ്റ്റ​ഗ്രാം സു​ഹൃ​ത്തി​നെ തി​രി​ച്ച​റി​ഞ്ഞെ​ന്നും ഇ​യാ​ൾ നി​രീ​ക്ഷ​ണ​ത്തി​ലാ​ണെ​ന്നും പോ​ലീ​സ് പ​റ​ഞ്ഞു. ഇ​യാ​ളെ ഉ​ട​ൻ ക​സ്റ്റ​ഡി​യി​ലെ​ടു​ത്ത് ചോ​ദ്യം ചെ​യ്യാ​നു​ള്ള തീ​രു​മാ​ന​ത്തി​ലാ​ണ് പോ​ലീ​സ്. അ​റ​സ്റ്റി​ലാ​യ യു​വ​തി​ എ​റ​ണാ​കു​ളം ജ​ന​റ​ൽ ആ​ശു​പ​ത്രി​യി​ല്‍ ചികിത്സയിലാണ്. ഇന്നലെ രാ​വി​ലെയാണ് പ​ന​മ്പി​ള്ളി ന​ഗ​റി​ലെ വി​ദ്യാ​ന​ഗ​ര്‍ റോ​ഡി​ൽ ന​വ​ജാ​ത ശി​ശു​വി​ന്‍റെ മൃ​ത​ദേ​ഹം ക​ണ്ട​ത്.

ത​ല​യോ​ട്ടി​ക്കേ​റ്റ പ​രി​ക്കാ​ണ് കു​ഞ്ഞി​നെ മ​ര​ണ​ത്തി​ലേ​ക്ക് ന​യി​ച്ച​ത് എ​ന്നാ​ണ് പ്രാഥമിക പോസ്റ്റുമോർട്ടം റിപ്പോര്‍ട്ട്. കു​ഞ്ഞി​ന്‍റെ ശ​രീ​ര​മാ​സ​ക​ലം ബ​ല​പ്ര​യോ​ഗം ന​ട​ത്തി​യ​തി​ന്‍റെ ല​ക്ഷ​ണ​മു​ണ്ടെന്നും ഡോക്ടര്‍മാര്‍ പോലീസിനെ അറിയിച്ചിട്ടുണ്ട്.

അതിജീവിത ഗർഭിണിയായതും പ്രസവിച്ചതുമൊന്നും മാതാപിതാക്കൾ അറിഞ്ഞിട്ടില്ല. ഒരുമിച്ചിരുത്തിയുള്ള ചോദ്യം ചെയ്യലിലാണ് പെൺകുട്ടി കാര്യങ്ങൾ തുറന്നുപറഞ്ഞത്. കൂടുതൽ ചോദ്യം ചെയ്യലിനുശേഷമേ കാര്യങ്ങൾ വ്യക്തമാകൂ എന്നാണ് പോലീസ് പറയുന്നത്.