ഐപിഎല്ലിൽ ഇന്ന് കലാശപ്പോരാട്ടം; കപ്പ്‌ കൊൽക്കത്തയ്ക്കോ ഹൈദരാബാദിനോ; ചിദംബരം സ്റ്റേഡിയം സാക്ഷ്യം വഹിക്കുന്നത് തുല്യശക്തികളുടെ പോരാട്ടത്തിന്
ചെന്നൈ: ഐപിഎൽ ട്വന്‍റി-20യില്‍ ഇന്ന് കലാശപ്പോര്. ശ്രേയസ് അയ്യർ നയിക്കുന്ന കൊൽക്കത്ത നൈറ്റ് റൈഡേഴ്സും ഓസീസ് താരം പാറ്റ് കമ്മിൻസിന്‍റെ നേതൃത്വത്തിലുള്ള സണ്‍റൈസേഴ്സ് ഹൈദരാബാദുമാണ് ഫൈനലില്‍ ഏറ്റുമുട്ടുന്നത്. മഴ കളി മുടക്കുമോ എന്ന ആശങ്കയിലാണ് ഫൈനല്‍ പോരിനു കളം ഒരുങ്ങുന്നത്. എം.എ.ചിദംബരം സ്റ്റേഡിയത്തിൽ ഇന്നു രാത്രി 7.30നാണ് ഫൈനൽ.
ഹൈദരാബാദ് – കൊല്‍ക്കത്ത പോരാട്ടം എല്ലാ അര്‍ത്ഥത്തിലും തുല്യശക്തികളുടെ പോരാട്ടമാണ്. രണ്ടു തവണ കിരീടംനേടിയ കൊൽക്കത്തയുടെ നാലാം ഫൈനലാണിത്. ഡേവിഡ് വാർണറുടെ നേതൃത്വത്തിൽ 2016ൽ ചാമ്പ്യന്മാരായ ഹൈദരാബാദ് മൂന്നാംതവണയാണ് ഫൈനലിലെത്തുന്നത്.
പ്ലേ ഓഫിൽ കൊൽക്കത്തയ്ക്കു മുന്നിൽ കീഴടങ്ങിയ സണ്‍റൈസേഴ്സ് മലയാളി താരം സഞ്ജു സാംസണ്‍ നയിച്ച രാജസ്ഥാൻ റോയൽസിനെ കീഴടക്കിയാണ് ഫൈനലിന് എത്തുന്നത്. ഈ സീസണിൽ പോയിന്റ് പട്ടികയിൽ ആദ്യ സ്ഥാനത്തെത്തിയതു കൊൽക്കത്തയും ഹൈദരാബാദുമാണ്.
കഴിഞ്ഞ തവണയും ഗൗതം ഗംഭീറിന്‍റെ നായക മികവാണ് കൊൽക്കത്തയെ കിരീടനേട്ടത്തിലെത്തിച്ചത്. 2021 ലെ ഫൈനലിൽ എം.എസ്. ധോണിയുടെ ചെന്നൈ സൂപ്പർ കിംഗ്സിനോടു ഹൈദരാബാദ് പരാജയം ഏറ്റുവാങ്ങി. 2018ൽ ഫൈനലിൽ പ്രവേശിച്ചെങ്കിലും ചെന്നൈ സൂപ്പർ കിംഗ്സിനു മുന്നിൽ പരാജയം രുചിച്ചു.
കേരളം ചർച്ച ചെയ്യാനിരിക്കുന്ന വലിയ വാർത്തകൾ ആദ്യം അറിയാൻ മാധ്യമ സിൻഡിക്കറ്റ് വാട്സ്ആപ്പ് ഗ്രൂപ്പിൽ ജോയിൻ ചെയ്യാം
Click here
